پبلک اکاؤنٹس کمیٹی کو عدالتِ عظمٰی کے آڈٹ سے متعلق غلط معلومات دی گئیں، سپریم کورٹ

بدھ 19 اپریل 2023
icon-facebook icon-twitter icon-whatsapp

سپریم کورٹ آف پاکستان نے میڈیا میں گردش کرتی ان خبروں کی تردید کی ہے جس کے مطابق عدالتِ عظمٰی کا 10 سال سے آڈٹ نہیں کیا گیا اور پبلک اکاؤنٹس کمیٹی نے اس سلسلہ میں رجسٹرار سپریم کورٹ کو طلب کیا ہے۔

سپریم کورٹ کی جانب سے جاری کردہ ایک اعلامیہ کے مطابق سپریم کورٹ آف پاکستان کا آڈٹ مالی سال 2020-21 تک مکمل کیا جاچکا ہے جب کہ مالی سال 2021-22 کا آڈٹ ابھی جاری ہے جس کی تصدیق آڈیٹر جنرل آف پاکستان کے دفتر سے کی جا سکتی ہے۔

سپریم کورٹ کی جانب سے ریکارڈ کی درستگی کے لیے جاری وضاحت میں کہا گیا ہے کہ پبلک اکاؤنٹس کمیٹی کے سامنے غلط معلومات رکھی گئی ہیں۔

’ٹھوس الفاظ میں واضح کیا جاتا ہے کہ ایسی رپورٹس حقائق کے منافی، غلط، گمراہ کن اور پبلک اکاؤنٹس کمیٹی کے سامنے رکھی گئی غلط معلومات پر مبنی ہیں۔‘

 

 

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp