پاکستان میں پیٹرولیم مصنوعات کی قیمتوں میں بڑی کمی کا امکان، وجہ کیا بنی؟

عالمی سپلائی میں بہتری اور کویت کی الزور ریفائنری کے یونٹس کی بحالی کے باعث قیمتوں میں کمی متوقع ہے۔

میڈیا رپورٹس کے مطابق پیٹرولیم مصنوعات کی قیمتوں میں یکم دسمبر 2025 سے اگلے 15 دنوں کے لیے نمایاں کمی کا امکان ہے، جہاں پٹرول اور ڈیزل کی فی لیٹر قیمت میں بالترتیب 3.70 روپے اور 4.28 روپے تک کمی کی توقع ظاہر کی جا رہی ہے۔

یہ بھی پڑھیے: پیٹرولیم مصنوعات کی قیمتوں میں کمی کی تجویز

رپورٹس کے مطابق عالمی منڈی میں سپلائی کی صورتحال بہتر ہونے کے بعد یہ ریلیف متوقع ہے۔ کویت کی بڑی الزور ریفائنری کے کئی یونٹس کی بحالی نے عالمی سطح پر تیل کی فراہمی میں اضافہ کیا ہے جس کا اثر خطے کی منڈیوں تک پہنچا ہے۔

متوقع نئی قیمتیں

پیٹرول:45 روپے → 261.75 روپے (کمی 3.70 روپے)
ہائی اسپیڈ ڈیزل:44 روپے → 280.16 روپے (کمی 4.28 روپے)
مٹی کا تیل:34 روپے → 193.61 روپے (کمی 0.73 روپے)
لائٹ ڈیزل آئل:80 روپے → 164.45 روپے (کمی 6.35 روپے)

لائٹ ڈیزل آئل کی قیمت میں سب سے زیادہ کمی متوقع ہے۔

گزشتہ 15 روزہ جائزے میں حکومت نے اوگرا کی سفارشات پر پٹرول کی قیمت برقرار رکھی تھی، تاہم ڈیزل کی قیمت میں 6 روپے اضافہ کیا گیا تھا۔ اس اضافے کی وجہ ڈیزل کی عالمی سپلائی کا متاثر ہونا تھا، کیونکہ کویت کی کوٹیس ریفائنری کی مرمت اور الزور ریفائنری کے دو یونٹس کی عارضی بندش نے مارکیٹ میں قلت پیدا کر دی تھی۔

یہ بھی پڑھیے: پیٹرول اور ڈیزل پر 5 روپے فی لیٹر کاربن لیوی لگنے کا امکان

اب یہ یونٹس دوبارہ فعال ہو چکے ہیں جس سے سپلائی بہتر ہوئی ہے اور بین الاقوامی منڈی میں مصنوعات کی قیمتوں پر دباؤ کم ہوا ہے۔