کراچی میں کیماڑی سعیدآباد پولیس نے خفیہ اطلاع پر کارروائی کرتے ہوئے شادی کی تقریب میں ہوائی فائرنگ کرنے والے ملزم کو گرفتار کر لیا۔ ایس ایس پی کیماڑی امجد احمد شیخ کے مطابق گرفتار ملزم کی شناخت امانت کے نام سے ہوئی ہے۔
مزید پڑھیں:لنڈی کوتل: شادی میں رقص، موسیقی و ہوائی فائرنگ پر سماجی بائیکاٹ ہوگا، جرگہ
ملزم نے گزشتہ رات بسم اللہ چوک پر شادی کی تقریب میں اسلحے کا استعمال کیا، جس کے نتیجے میں اندھی گولی لگنے سے ایک شخص زخمی ہوا۔ کارروائی کے دوران ملزم سے اسلحہ اور گولیاں بھی برآمد کر لی گئی ہیں۔
مزید پڑھیں:کراچی: شادی کی خوشی میں فائرنگ نے پڑوس کے گھر کو خانہ غم بنادیا، معصوم بچی جاں بحق
ایس ایس پی نے بتایا کہ ملزم کے خلاف ہوائی فائرنگ ایکٹ کے تحت مقدمہ درج کر لیا گیا ہے اور مزید قانونی کارروائی عمل میں لائی جا رہی ہے۔
