میٹرک بورڈ کراچی نے نئے گریڈنگ سسٹم کا اعلان کرتے ہوئے پاسنگ مارکس میں اضافہ کر دیا ہے۔ نئے نظام کے تحت نہم جماعت کے طلبا کے لیے مختلف پرچوں میں پاسنگ مارکس بڑھا دیے گئے ہیں، جبکہ دہم جماعت کے لیے یہ تبدیلی 2027 سے لاگو ہوگی۔
یہ بھی پڑھیں:کراچی انٹربورڈ نے طلبا کو بڑا ریلیف دے دیا
میڈیا رپورٹس کے مطابق، 100 نمبر کے پرچے میں پاسنگ مارکس 33 سے بڑھا کر 40 کر دیے گئے ہیں، اور 75 نمبر کے پرچے میں یہ حد 25 سے بڑھا کر 30 کر دی گئی ہے۔ 45 نمبرز کے پریکٹیکل میں بھی پاسنگ مارکس 15 سے بڑھا کر 18 کر دیے گئے ہیں۔ نئے گریڈنگ سسٹم کا نفاذ فی الحال نہم جماعت کے لیے کیا گیا ہے اور دہم جماعت کے لیے یہ تبدیلی آئندہ سال نافذ ہوگی۔
