ممتاز مذہبی و سماجی رہنما آغا راحت حسین نے کہ ایران اور امریکا کے درمیان حالیہ جنگ بندی میں پاکستان نے ایک اہم اور بنیادی کردار ادا کیا ہے، جو ملک کی بڑھتی ہوئی سفارتی اہمیت کا ثبوت ہے۔
یہ بھی پڑھیں: اسلام آباد مذاکرات: گلگت بلتستان میں پاکستان آرمی کی حمایت میں بڑی ریلیاں
اسکردو میں ایک بڑے عوامی اجتماع سے خطاب کرتے ہوئے آغا راحت حسین نے خطے کی صورتحال پر گفتگو کرتے ہوئے کہا کہ موجودہ حالات میں گلگت بلتستان کے اندر امن و امان برقرار رکھنے میں فورس کمانڈر گلگت بلتستان سمیت پاک فوج اور دیگر سیکیورٹی اداروں کا کردار نہایت اہم رہا ہے۔
انہوں نے سیکیورٹی اداروں کی کوششوں کو سراہتے ہوئے ان کا خصوصی شکریہ ادا کیا اور تمام اداروں کو دعوت دی کہ وہ مل کر خطے میں مستقل امن کے قیام کے لیے اپنا بھرپور کردار ادا کریں۔
یہ بھی پڑھیں: امریکا ایران جنگ بندی: گلگت بلتستان میں جشن کا سماں، کامیاب سفارتکاری پر قومی قیادت کی تعریف
اپنے خطاب میں انہوں نے گلگت بلتستان کے مستقبل کو امن سے مشروط کرتے ہوئے کہا کہ اس خطے میں قیامِ امن سے نہ صرف مقامی لوگوں کی زندگیوں میں بہتری آئے گی بلکہ سیاحت کو فروغ دے کر ملکی معیشت کو بھی مضبوط کیا جا سکتا ہے۔
ان کا کہنا تھا کہ گلگت بلتستان میں سیاحتی صلاحیتیں موجود ہیں جنہیں امن کے ذریعے ہی اجاگر کیا جاسکتا ہے۔
