حکومت پنجاب نے پنجاب فرانزک سائنس اتھارٹی میں ممبران کی تعداد بڑھانے کا فیصلہ کرتے ہوئے ترمیمی بل پنجاب اسمبلی میں پیش کر دیا ہے۔
مزید پڑھیں: 2025 میں قومی اور صوبائی اسمبلیوں کی کارکردگی کا جائزہ
پنجاب فرانزک سائنس اتھارٹی (ترمیم) بل 2026 گزشتہ روز اسمبلی اجلاس میں پیش کیا گیا، جس کے تحت 2025 کے ایکٹ میں اہم ترامیم تجویز کی گئی ہیں۔ مسودہ قانون کے مطابق ڈی جی ایگریکلچر و فوڈ اور چیئرمین انفارمیشن ٹیکنالوجی بورڈ کو اتھارٹی کا رکن بنانے کی تجویز دی گئی ہے۔
بل کے متن میں کہا گیا ہے کہ یہ ترامیم محکمہ داخلہ کی سفارش پر کی جا رہی ہیں، جن کا مقصد مختلف محکموں کے درمیان معلومات کے تبادلے کو آسان بنانا اور ادارہ جاتی ہم آہنگی کو بہتر کرنا ہے۔
مزید پڑھیں: پنجاب فرانزک سائنس اتھارٹی کے تحت شمالی، وسطی اور جنوبی پنجاب میں نئی لیبز قائم کرنے کا فیصلہ
بل کو مزید غور کے لیے متعلقہ کمیٹی کے سپرد کر دیا گیا ہے، جو دو ماہ میں اپنی رپورٹ ایوان میں پیش کرے گی۔ کمیٹی کی سفارشات کے بعد بل کو اسمبلی سے منظور کروایا جائے گا، جبکہ اس کی حتمی منظوری گورنر پنجاب دیں گے۔
