فیصل آباد کی تحصیل چک جھمرہ میں نالہ والا بائی پاس روڈ چوک کے قریب مبینہ غیر قانونی پیٹرول فروخت کرنے والے افراد نے قیمت پر تنازع کے بعد 2 بھائیوں پر پیٹرول چھڑک کر انہیں آگ لگا دی۔
یہ بھی پڑھیں: لاہور میں دل دہلا دینے والا واقعہ، شادی سے انکار پر خاتون کو زندہ جلانے کی کوشش
ذرائع کے مطابق ندیم قادر (25) اور حافظ نعمان قادر (35) موٹر سائیکل کے لیے ایک غیر قانونی پیٹرول فروش سے پیٹرول خرید کر لے گئے، مبینہ طور پر اصل قیمت سے زیادہ رقم وصول کیے جانے پر دونوں بھائیوں اور پیٹرول فروشوں کے درمیان تلخ کلامی کے بعد ہاتھا پائی ہوگئی۔
🚨🚨فیصل آباد کے علاقے چک جھمرہ میں معمولی تنازع پر مخالفین نے پٹرول ڈال کر دو نوجوانوں کو آگ لگا دی ،آگ لگنے سے نعمان اور ندیم نامی نوجوان شدید جھلس گئے ،اسپتال منتقل کر دیا گیا،پولیس pic.twitter.com/YpoTyG5K59
— Ali Tanoli (@alitanoli889) September 19, 2026
رپورٹس کے مطابق مشتعل پیٹرول فروشوں حیدر علی، محمد وسیم اور حماد ملک نے مبینہ طور پر دونوں بھائیوں پر پیٹرول چھڑکا اور انہیں آگ لگا دی۔
مقامی افراد نے آگ بجھائی اور دونوں زخمیوں کو چک جھمرہ تحصیل ہیڈکوارٹر اسپتال منتقل کیا، جہاں ڈاکٹروں نے انہیں فیصل آباد کے الائیڈ اسپتال کے برن یونٹ منتقل کرنے کی ہدایت کی۔
