ایئر انڈیا کے ایک پائلٹ کو زیورخ سے دہلی جانے والی پرواز کی روانگی سے قبل الکوحل ٹیسٹ میں ناکام ہونے پر معطل کردیا گیا۔
مزید پڑھیں:امریکا کا کینیڈین اشیا پر نیا وار، الکوحل اور موٹر سائیکلوں کی درآمد پر پابندی
بھارتی میڈیا کے مطابق واقعہ 6 ستمبر کو زیورخ ایئرپورٹ پر پیش آیا، جہاں پرواز کی روانگی سے کچھ دیر قبل فرسٹ آفیسر کو طیارے سے اتار دیا گیا۔ پائلٹ کو بعد ازاں مسافر کی حیثیت سے بھارت واپس بھیج دیا گیا۔
An Air India pilot was removed from a Zurich to Delhi flight after ground staff reportedly smelled alcohol on him shortly before departure and alerted authorities.
The incident happened on September 6 as flight AI151 was preparing to leave Zurich. Subsequent sobriety testing… pic.twitter.com/5A0gx8bhGl
— Flightdrama (@flightdrama) September 24, 2026
ایئر انڈیا کے مطابق پائلٹ حتمی طبی معائنے کی رپورٹ اور تحقیقات مکمل ہونے تک معطل رہے گا۔ ایئرلائن نے کہا ہے کہ وہ حفاظتی، ضابطہ جاتی یا کمپنی کے قواعد کی خلاف ورزی پر زیرو ٹالرنس پالیسی رکھتی ہے اور ثابت ہونے والی خلاف ورزی پر ضابطوں کے مطابق کارروائی کی جاتی ہے۔
مزید پڑھیں:پمز آتشزدگی: نومولود بچوں کو بچانے کے لیے کیا فائر سیفٹی پروٹوکول ہونا چاہیے تھا؟
یہ واقعہ ایسے وقت میں سامنے آیا ہے جب چند ہفتے قبل ایئر انڈیا کی ایک اور پرواز کے پائلٹ کا منشیات کے ٹیسٹ میں نتیجہ مثبت آیا تھا۔ پھوکٹ سے دہلی جانے والی اس پرواز میں دورانِ پرواز طیارہ اچانک قریباً 300 فٹ نیچے آگیا تھا، جس کے نتیجے میں 20 سے زائد مسافر اور عملے کے 4 ارکان زخمی ہوئے تھے۔
