امریکی ریاست میساچوسٹس کے ایک وائلڈ لائف سینٹر میں ایک ایسے نایاب کچھوے کی دیکھ بھال کی جا رہی ہے جو 2 سروں کے ساتھ پیدا ہوا ہے۔
کیپ وائلڈ لائف سینٹر، بارن اسٹیبل کے مطابق، یہ ننھا ڈائمنڈ بیک ٹیریپن کچھوا میساچوسٹس کے وائلڈ لائف ادارے میساڈوبن ویلفلیٹ بے وائلڈ لائف سینکچری کی جانب سے مرکز میں لایا گیا۔
یہ بھی پڑھیں:
حکام کے مطابق کچھوے کا بچہ ویلفلیٹ میں ایک محفوظ گھونسلہ بنانے والی جگہ سے ملا تھا۔ طبی معائنے کے بعد معلوم ہوا کہ اس کے 2 سر ہیں، جو ایک نایاب پیدائشی نشوونما کے نقص ’بائی سیفلی‘ کا نتیجہ ہے۔
کیپ وائلڈ لائف سینٹر نے سوشل میڈیا پر جاری بیان میں کہا کہ اس کی ویٹرنری ٹیم ننھے کچھوے کی مسلسل نگرانی کرے گی تاکہ یہ سمجھنے میں مدد مل سکے کہ اس کے دونوں سر اور جسم کس طرح ایک ساتھ کام کرتے ہیں۔
Two heads, one tiny shell. 🐢 Veterinarians in Massachusetts are monitoring a rare two-headed diamondback terrapin hatchling to learn how its two heads function together. pic.twitter.com/pSaqD5gq02
— AccuWeather (@accuweather) October 1, 2026
مرکز کے مطابق گزشتہ 5 برس کے دوران اس نوعیت کے صرف 2 مزید کیسز سامنے آئے ہیں۔
حکام کا کہنا ہے کہ اگرچہ اس غیر معمولی حالت کے ایسے واقعات پہلے بھی دیکھے جا چکے ہیں، تاہم ہر نیا کیس ان منفرد جانوروں کی جسمانی ساخت اور حیاتیاتی افعال کو سمجھنے کا ایک نیا موقع فراہم کرتا ہے۔
مزید پڑھیں: چینی سمندروں میں غیرملکی جاسوسی کا انکشاف، کچھووں’ اور مچھلیوں’ کا استعمال
فی الحال ماہرین ننھے کچھوے کی خوراک، نشوونما اور رویے پر خصوصی نظر رکھے ہوئے ہیں تاکہ اس کی صحت اور بقا کے امکانات کا جائزہ لیا جا سکے۔
