وفاقی آئینی عدالت نے ای او بی آئی کی اپیل منظور کرلی، اسلام آباد ہائیکورٹ کا فیصلہ کالعدم

جمعرات 8 اکتوبر 2026
icon-facebook icon-twitter icon-whatsapp

وفاقی آئینی عدالت نے ای او بی آئی کی اپیل منظور کرتے ہوئے اسلام آباد ہائیکورٹ کا فیصلہ اور اس معاملے میں وفاقی محتسب اور صدر پاکستان کے احکامات کالعدم قرار دے دیے۔

چیف جسٹس امین الدین خان کی سربراہی میں 3 رکنی بینچ نے 12 صفحات پر مشتمل تحریری حکم نامہ جاری کیا۔ عدالت نے قرار دیا کہ وفاقی محتسب پنشن کی اہلیت طے کرنے کے لیے مقرر مخصوص قانونی طریقہ کار کو نظرانداز نہیں کرسکتا اور قانونی تقاضے پورے نہ کرنے والے شخص کو پنشن دینے کا حکم نہیں دیا جاسکتا۔

تحریری حکم نامے کے مطابق کسی قانونی حق کے تنازع کو محض بدانتظامی قرار دے کر وفاقی محتسب کا دائرۂ اختیار وسیع نہیں کیا جاسکتا۔ پنشن کی درخواست مسترد ہونا بذات خود بدانتظامی نہیں، بلکہ بدانتظامی ثابت کرنے کے لیے من مانی، امتیازی سلوک، غفلت یا بلاجواز تاخیر جیسے عناصر کا موجود ہونا ضروری ہے۔

عدالت نے قرار دیا کہ قانون کے لازمی تقاضے پورے کرنے کی وجہ سے کسی درخواست گزار کو نقصان پہنچنا بدانتظامی کے زمرے میں نہیں آتا۔ ای او بی آئی قانون کے تحت پنشن کے لیے عمومی طور پر کم از کم 15 سال کی شراکت درکار ہے، جبکہ یکم جولائی 2008 یا اس کے بعد بیمہ شدہ ملازمین پر 5 سال کی خصوصی رعایت لاگو نہیں ہوتی۔

یہ بھی پڑھیں:سپریم کورٹ: اپنے 5 سالہ بچے کو زندہ جلانے کے الزام میں نامزد ماں عدم شواہد پر بری

حکم نامے کے مطابق جاوید اقبال بھٹی کی بیمہ شدہ ملازمت 6 سال سے بھی کم تھی، اس لیے وہ پنشن کے قانونی حق کے اہل نہیں تھے۔ انہیں پہلے دی گئی 48 ہزار روپے کی اولڈ ایج گرانٹ بھی پنشن کا حق پیدا نہیں کرتی۔

وفاقی آئینی عدالت نے قرار دیا کہ قانونی اہلیت کی لازمی شرط کو ہمدردی یا انصاف کے عمومی تصور کی بنیاد پر ختم نہیں کیا جاسکتا۔ فوائد کی اہلیت، رقم اور مدت کا تعین ای او بی آئی قانون کی دفعہ 33 کے تحت ہوگا، جبکہ قانون میں فیصلے کے خلاف نظرثانی اور اپیل کا طریقہ کار بھی موجود ہے۔

عدالت نے مزید قرار دیا کہ بغیر دائرۂ اختیار جاری کیا گیا حکم صدر یا عدالت کی توثیق سے قانونی حیثیت حاصل نہیں کرسکتا۔ فیصلے کی وجوہات درج کرنا محض رسمی کارروائی نہیں بلکہ قانونی بنیاد واضح کرنا ضروری ہے۔

درخواست گزار کی جانب سے عمر اعجاز گیلانی عدالت میں پیش ہوئے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

پاکستان میں تانبے، سونے، لیتھیم اور دیگر اہم معدنیات کی تلاش تیز، عالمی سرمایہ کاروں کو سرمایہ کاری کی دعوت

190 ملین پاؤنڈ کیس میں سزا کیخلاف عمران خان اور بشریٰ بی بی کی اپیلیں 18 نومبر کو سماعت کے لیے مقرر

190 ملین پاؤنڈ کیس: بانی پی ٹی آئی سے ملاقات کے بعد سیاسی معاملات پر بات نہیں ہوگی، اسلام آباد ہائیکورٹ کا حکم

اسحاق ڈار کا ازبک وزیر خارجہ سے ٹیلیفونک رابطہ، اسلام آباد میں ای سی او وزرائے خارجہ اجلاس پر تبادلہ خیال

وراثتی حق وقت گزرنے سے ختم نہیں ہوتا، خواتین کو جائیداد سے محروم کرنا جرم ہے، سپریم کورٹ

ویڈیو

مالاکنڈ: نامکمل سڑک زحمت بن گئی، کام شروع ہی نہ کرتے تو بہتر ہوتا، شہریوں کی دہائی

بھارت کی سوچ چھوٹی، پاکستان مسلم دنیا میں قائدانہ کردار ادا کرتے ہوئے انہیں متحد کر سکتا ہے، پروفیسر ڈاکٹر چینگ شژونگ

7 ٹریلین ڈالر کی امریکی سرمایہ کاری والی بات درست نہیں، غیر قانونی کان کنی پر کوئی سمجھوتا نہیں کیا جائے گا، مشیر معدنیات خیبرپختونخوا

کالم / تجزیہ

فلسفہ وغیرہ !

جے یو آئی تحریک انصاف کے راستے پر؟

پانچ سوال، جو امریکا کے مستقبل کا فیصلہ کریں گے