ڈیانا مبینہ زیادتی کیس: نامزد ملزم تنویر کی عبوری ضمانت میں توسیع

جمعہ 23 اکتوبر 2026
icon-facebook icon-twitter icon-whatsapp

سیشن کورٹ لاہور نے آذربائیجان کی خاتون ڈیانا سے مبینہ زیادتی کے مقدمے میں نامزد ملزم تنویر کی عبوری ضمانت میں 27 اکتوبر تک توسیع کر دی۔ تاہم، ملزم کے وکیل نے دعویٰ کیا ہے کہ ضمانت میں توسیع کے باوجود کرائم کنٹرول ڈیپارٹمنٹ (سی سی ڈی) نے ملزم کو احاطۂ عدالت کے باہر سے حراست میں لے لیا، جس کے خلاف وکلا نے جوڈیشل کمپلیکس کے باہر احتجاج کیا۔

سیشن کورٹ لاہور میں ملزم تنویر کی عبوری ضمانت کی درخواست پر سماعت ہوئی۔

دورانِ سماعت تفتیشی افسر نے عدالت کو بتایا کہ ملزم تفتیش میں شامل نہیں ہو رہا۔ اس پر عدالت نے حکم دیا کہ ملزم کو کمرۂ عدالت میں ہی شاملِ تفتیش کیا جائے۔

یہ بھی پڑھیے بھارت: یونیورسٹی طالبہ کا مبینہ اغوا اور گینگ ریپ، جنگی جہاز اور فوجی گاڑیاں کیوں نذر آتش کی جارہی ہیں؟

ملزم کے وکیل نے مؤقف اختیار کیا کہ ان کے موکل کے مطابق، غیر ملکی خاتون نے کہا ہے کہ تنویر وہ شخص نہیں جس پر انہوں نے الزام عائد کیا تھا۔ وکیل نے استدعا کی کہ خاتون کو پاکستان بلایا جائے یا ویڈیو لنک کے ذریعے ان کا بیان ریکارڈ کیا جائے۔

عدالت نے ملزم کی عبوری ضمانت میں 27 اکتوبر تک توسیع کر دی۔

سماعت کے دوران پولیس کی بھاری نفری سیشن کورٹ پہنچ گئی۔ اس موقع پر پولیس اہلکاروں اور ملزم کے ساتھ آنے والے افراد کے درمیان تلخ کلامی اور دھکم پیل ہوئی۔ پولیس اہلکار ملزم کو گرفتار کرنے کی کوشش کرتے رہے، جبکہ اس دوران دونوں جانب سے تشدد کی اطلاعات بھی سامنے آئیں۔ بعد ازاں پولیس نے ملزم کے ساتھیوں کو حراست میں لے کر تھانے منتقل کر دیا۔

یہ بھی پڑھیے بھارت میں گینگ ریپ کی شکار ہسپانوی خاتون سیاح پاکستان اور پاکستانیوں کے بارے میں کیا کہتی ہیں؟

ملزم تنویر کے وکیل نے دعویٰ کیا کہ عدالت کی جانب سے 27 اکتوبر تک عبوری ضمانت میں توسیع کے باوجود سی سی ڈی نے ان کے موکل کو حراست میں لے لیا۔ اس واقعے کے خلاف ملزم کے وکلا نے جوڈیشل کمپلیکس کے باہر احتجاج بھی کیا۔

واضح رہے کہ تنویر کے خلاف آذربائیجان سے تعلق رکھنے والی خاتون ڈیانا سے مبینہ زیادتی کے الزام میں لاہور کے تھانہ ڈیفنس سی میں مقدمہ درج ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

محسن نقوی کا نواب شاہ کا اچانک دورہ، صدر آصف علی زرداری کو اہم پیغام پہنچایا

ایران سے کسی ڈیل کی ضرورت نہیں، جے ڈی وینس امن معاہدے کی کوشش کے بجائے ملک میں کرپشن پر توجہ دیں، ڈونلڈ ٹرمپ

پیٹرولیم مصنوعات کی قیمتوں میں کمی کا سلسلہ جاری، ڈیزل 4 روپے اور پیٹرول 3 روپے فی لیٹر سستا

خواجہ سعد رفیق نے عمران خان سے ملاقاتوں کو 28ویں آئینی ترمیم اور گورنر راج سے جوڑ دیا

مستونگ، فورسز نے بارود سے بھری گاڑی تباہ کر کے دہشتگردی کا بڑا منصوبہ ناکام بنا دیا، کارروائی میں 3 دہشتگرد ہلاک

ویڈیو

کوہاٹ میں سونے کی غیرقانونی کان کنی اور عسکریت پسندوں کا گٹھ جوڑ : حکومت کیا کرنے جارہی ہے؟

تربیلا ڈیم توسیعی منصوبے میں حادثہ، خیبرپختونخوا میں بجلی کا بحران شدت اختیار کرگیا

کیا بشریٰ بی بی کی اڈیالہ جیل سے رہائی کے امکانات بڑھ گئے ہیں؟

کالم / تجزیہ

فلسفہ وغیرہ !

جے یو آئی تحریک انصاف کے راستے پر؟

پانچ سوال، جو امریکا کے مستقبل کا فیصلہ کریں گے