پاکستان کرکٹ بورڈ کے سابق سربراہ رمیز راجا اکثر اپنے بیانات کی وجہ سے تنقید کی زد میں رہتے ہیں، انہیں لیجنڈری ویسٹ انڈین کرکٹر سر ویوین رچرڈز اور بھارتی اداکار نینا گپتا کے بارے میں نسل پرستانہ مذاق پر قہقہہ لگانے پر تنقید کا نشانہ بننا پڑا۔ اب ان کا ایک اور بیان سوشل میڈیا پر وائرل ہو رہا ہے جس میں وہ النصر فٹبال کلب کے معروف کھلاڑی کرسٹیانو رونالڈوکے بارے میں کہتے ہیں کہ ان کا ڈائٹ پلان ناسا کے سائنس دان سیٹ کرتے ہیں۔
رمیز راجا کے اس بیان کے بعد صارفین نے ان کو آڑے ہاتھوں لیا۔
علیشہ عمران نے رمیز راجا کے بیان پر تبصرہ کرتے ہوئے کہا کہ رمیز راجا نے کہا ہے کہ رونالڈو کا ڈائیٹ پلان ناسا کے سائنسدانوں نے تیار کیا ہے تو کیا کوئی تصدیق کر سکتا ہے کہ اس میں کتنا سچ ہے۔ ساتھ ہی انہوں نے لکھا کہ ویڈیو میں جو کچھ بھی کہا گیا وہ میرے خیالات نہیں ہیں بلکہ میں نے صرف ان کے بیان کے وجہ سے یہ پوسٹ کی ہے۔
"Ronaldo's diet plan is curated by scientists at NASA" said Ramiz Raja. Can someone confirm if it's true? 👀 (Whatever is written on the video aren't my thoughts, I'm only posting for his statement) #RamizRaja #CristianoRonaldo pic.twitter.com/RdZUuZQXxX
— Alisha Imran (@Alishaimran111) November 22, 2023
کرکٹ کے ایک فین پیج نے لکھا کہ رمیز راجا یہ دعویٰ کر رہے ہیں کہ ناسا کے سائنسدانوں نے رونالڈو کا ڈائیٹ پلان ڈیزائن کیا ہے، صارف نے مزید لکھا کہ یہ شخص پی سی بی کی سربراہی کر چکے ہیں لیکن شکر ہے اب وہ اس منصب پر نہیں ہیں۔
Claiming NASA scientists designed Ronaldo's diet plan 🤣, this visionary once chaired PCB. Grateful he's no longer in that position.@TheRealPCBMedia@iramizraja@mirzaiqbal80@SAfridiOfficial@aaliaaaliya@Sikanderbakhts@AHKThoughts@TheRealPCB pic.twitter.com/IfbVX6Ge0l
— Shafqat Rana (@ShafqatRanaa) November 22, 2023
گل زمان نےکہا کہ رونالڈو کا ڈائٹ پلان ناسا والے بناتے ہیں، رمیز راجا نے اس راز سے پردہ اٹھا لیا ہے۔ انہوں نے طنز کا سہارا لیتے ہوئے کہا کہ اگر رمیز راجا چند دن اور چیئرمین پی سی بی رہ جاتے تو پی سی بی کا ڈائٹ پلان بھی ناسا سے ہی بنوا لیتے۔
رونالڈو کا ڈائٹ پلان ناسا والے بناتے ہیں ۔ @iramizraja نے راز سے پردہ اُٹھا دیا ۔ کچھ اور دن اگر رمیز راجہ چئیرمین پی سی رہ جاتا تو @TheRealPCB کا ڈائٹ پلان بھی ناسا سے بنوا لیتا ۔@iamamirofficial bruh please listen to him😜😂 pic.twitter.com/Z4Q2kSn9r9
— Gul Xaman (@GulXaman) November 22, 2023
