پاکستان کرکٹ ٹیم کے اوپننگ بیٹر امام الحق شادی کے بندھن میں بندھ گئے ہیں۔ گزشتہ روز شادی کی تقریب کے بعد انہوں نے سماجی رابطوں کی ویب سائٹس پر اہلیہ کے ہمراہ تصاویر شیئر کردی۔
سماجی رابطے کی ویب سائٹ ایکس پر شادی کی تصاویر شیئر کرتے ہوئے امام الحق نے لکھا ‘آج ہم ناصرف زندگی بھر کے لیے پارٹنر بن گئے ہیں بلکہ بہترین دوستی کے بندھن کو بھی مضبوط کیا ہے جو ہمیشہ ہماری محبت کی کہانی کی بنیاد رہی ہے۔میں نے اپنے بہترین دوست سے شادی کی ہمیں اپنی دعاووں میں یاد رکھیں۔’
Today, we’ve not only become partners for life but have also solidified the bond of best friendship, which has always been the foundation of our love story. Today, I not only married my best friend ,but also found my forever home in your heart. Keep us in your prayers.💍💫❤️ pic.twitter.com/DXHYqKeAUB
— Imam Ul Haq (@ImamUlHaq12) November 25, 2023
واضح رہے کہ گزشتہ روز لاہور میں قوالی نائٹ کا اہتمام کیا گیا جس کی تصاویر اور ویڈیوز سوشل میڈیا پر وائرل ہوئیں، امام الحق نے اپنے آفیشل انسٹاگرام اکاؤنٹ پر اپنی اہلیہ انمول محمود کے ساتھ تصاویر شئیر کرتے ہوئے کیپشن میں لکھا کہ وہ قوالی نائٹ کے لیے تیار ہیں۔
قوالی نائٹ میں پاکستان کرکٹ ٹیم کے سابق کپتان بابر اعظم کے ساتھ پاکستانی کرکٹرز عثمان قادر، سرفراز احمد، کامران اکمل اور سابق چیف سلیکٹر انضمام الحق، وقار یونس، اظہر علی بھی موجود تھے۔
یاد رہے کہ امام الحق اور انمول محمود کے نکاح کی تقریب گزشتہ روز ہوئی جبکہ ان کا ولیمہ آج (26 نومبر کو) منعقد کیا جائےگا۔
