اسلامی تعاون تنظیم (او آئی سی) کے جنرل سیکریٹریٹ نے جدہ کے شمال مشرقی ضلع الریان میں اپنے نئے ہیڈکوارٹر سے کام شروع کر دیا ہے۔
بدھ کو جاری بیان کے مطابق جنرل سیکریٹریٹ کا نیا ہیڈکوارٹر او آئی سی کے کام کے لیے بڑی صلاحیتوں کی پیشکش کرتا ہے، جو اس کے آپریشنز اور سرگرمیوں میں معاونت فراہم کرتا ہے۔
OIC Thanks Saudi Arabia for the Gift of a New Headquarters in Jeddah
The General Secretariat of the Organization of Islamic Cooperation (#OIC) commenced operations from its new headquarters at Al-Rayan District, northeast #Jeddah, after moving from the old headquarters was… pic.twitter.com/nlgUJKo3aw
— OIC (@OIC_OCI) December 26, 2023
اسلامی تعاون تنظیم (او آئی سی) کے سیکریٹری جنرل حسین براہم طحہٰ نے کہا کہ او آئی سی کے جنرل سیکریٹریٹ نے پہلے ہی نئے ہیڈ کوارٹر میں کام شروع کر دیا ہے جہاں گزشتہ چند دنوں میں کئی اجلاس منعقد ہو چکے ہیں۔
انہوں نے یقین دلایا کہ نئے ہیڈ کوارٹرز کی عمارت او آئی سی کے مہمانوں کے استقبال اور سرگرمیوں کی میزبانی کے لیے مکمل طور پر تیار ہے۔
سیکریٹری جنرل نے او آئی سی اور اس کے اداروں کی تمام مستقل مادی اور اخلاقی حمایت اور مشترکہ اسلامی اقدامات کی حمایت کرنے پر سعودی عرب کا شکریہ ادا کیا جو او آئی سی کے کام کی ہموار پیش رفت کی ضمانت دیتا ہے۔
انہوں نے کہا کہ نیا ہیڈکوارٹر او آئی سی کی کارکردگی کی حمایت میں اپنا کردار ادا کرے گا۔
سیکریٹری جنرل نے او آئی سی کو اپنی ذمہ داریاں نبھانے میں سہولت اور مدد فراہم کرنے پر سعودی عرب کے وزیر خارجہ شہزادہ فیصل ابن فرحان کا بھی شکریہ ادا کیا۔
