ایسا شاذونادر ہی ہوتا ہوگا کہ ایک شہر سے دوسرے شہر جانے والی کسی بس میں ایک خاندان کے چند ایک افراد ہی سوار ہوں کجا یہ کہ معاملہ ہوائی جہاز کا ہو اور وہ بھی ایک ملک سے دوسرے ملک جانے کا۔ لیکن ایسا اتفاق پیش آیا ایک ماں بیٹی کے ساتھ جو مشرقی افریقا کے ملک سیشلز سے سوئٹزرلینڈ گئے اور جہاز کے اکانومی سیکشن میں ان کے علاوہ کوئی اور مسافر نہیں تھا۔
غیر ملکی میڈٰیا کے مطابق سالہ زو ڈوئل اور اس کی والدہ 59 سالہ کِمی چیڈل 25 دسمبر کو سوئٹزرلینڈ جانے کے لیے امارات کی ایئرلائن میں سوار ہوئے تو اس فلائٹ وہ واحد مسافر تھے۔
مزید پڑھیں
ماں بیٹی کا کہنا تھا کہ انہیں کوئی اندازہ نہیں تھا کہ وہ جہاز پر وہی گے۔ زو ڈوئل نے کہا کہ ’میرے خیال میں 4 اور بھی تھے جو فرسٹ کلاس میں تھے لیکن وہ ہم سے بالکل الگ تھے اس لیے ہم بنیادی طور پر وہاں 2 ہی مسافر تھے‘۔
انہوں نے مزید کہا کہ چوں کہ یہ سیشلز میں مون سون کا موسم تھا اور ساتھ ہی کرسمس کا دن بھی تھا شاید اسی لیے ان دونوں کےعلاوہ کوئی بھی پرواز نہیں کر رہا تھا۔
اس صورتحال میں ماں بیٹی نے خالی جہاز میں خوب انجوائے کیا جبکہ جہاز کا عملہ بھی ناچتا گاتا رہا۔ ٹک ٹاک پر شیئر کی گئی ایک ویڈیو میں زو ڈوئل خالی جہاز میں رقص کرتی پائی گئیں.
ویڈیو میں کیبن کریو میں شامل ایک خاتون کی جانب سے کمی چیڈل کو اپنا اسکارف پہنناتے ہوئے بھی دیکھا گیا۔
Mother-daughter duo flies alone on Emirates flight to Switzerland. Here’s why – Hindustan Times https://t.co/XIYrpxIB1h
— swissbusiness (@swissbusiness) January 10, 2024
ڈوئل اور چیڈل ہوائی جہاز میں ہر طرف گھومتے پھرتے رہے اور مختلف سیٹوں پر اٹھتے بیٹھنے رہے تاہم انہیں فرسٹ کلاس میں جانے کی اجازت نہیں دی گئی۔ تمام فلائٹ اٹینڈنٹ بھی صورتحال سے محظوظ ہو رہے تھے اور ان کا کہنا تھا کہ پہلے جہاز میں ایسا کبھی نہیں ہوا۔
