امریکی ریاست ایریزونا میں ایک ایک بکری گھر کی چھت پر چڑھ گئی جسے نیچے اتارنے کے لیے فائر فائٹر کے عملے کو بلانا پڑا۔ حیرت کی بات یہ تھی کہ بکری کے لیے چھت تک پہنچنے کے لیے کوئی راستہ نہیں تھا۔
امریکی ریاست ایریزونا کے فائر ڈپارٹمنٹ کا کہنا ہے کہ آگ بجھانے والے عملے کو ایک پالتو بکری کو بچانے کے لیے بلایا گیا جو ایک گھر کی چھت پر چڑھ گئی اور پھر وہاں سے نیچے اترنا اس کے لیے محال ہو گیا۔ بکری کے چھت تک پہنچنے کاکوئی راستہ نہیں تھا تاہم یہ معمہ حل نہیں ہو سکا کہ بکری چھت تک بغیر کسی سیڑھی کے کیسے پہنچی۔
گلینڈیل فائر ڈپارٹمنٹ نے فیس بک پوسٹ میں کہا ہے کہ فائر فائٹرز کو اس وقت بلایا گیا جب ایک بکری اچانک مکان کی آخری چھت پر جا پہنچی اور کسی کی پہنچ سے دور ہو گئی اور اس کا نیچے اترنا تقریباً نا ممکن نظر آنے لگا۔
اس بکری کی ویڈیو بھی سوشل میڈیا پر وائرل ہو گئی، اس ویڈیو میں فائر فائٹرز کے عملے کو بکری کو واپس زمین پر لانے کے لیے چھت پر چڑھتے ہوئے دکھایا گیا ہے، فائرفائٹر کے عملہ بکری کو نیچے اتارنے میں کامیاب ہو گیا اور پھر اسے اس کے مالک کے حوالے کر دیا گیا۔