عام انتخابات 2024 کے لیے بیلٹ پیپرز کی چھپائی کا عمل جاری ہے جو 3 سے 4 فروری تک مکمل ہو جائے گا۔
سرکاری خبررساں ادارے کے مطابق الیکشن کمیشن معیار سے مطمئن ہے اور توقع ہے کہ یہ عمل 3 یا 4 فروری تک مکمل ہو جائے گا۔
خبر رساں ادارے کے مطابق ذرائع نے بتایا ہے کہ الیکشن کمیشن (ای سی پی) نے 14 جنوری کو پرنٹنگ کارپوریشن آف پاکستان کو 8 فروری کے انتخابات کے لیے 260 ملین واٹر مارک والے بیلٹ پیپرز پرنٹ کرنے کی ہدایت کی ہے۔
مزید پڑھیں
انہوں نے کہا کہ چھپائی کے جاری عمل میں 270 ٹن خصوصی کاغذ شامل ہیں، بلوچستان اور سندھ کے حلقوں کے لیے کراچی میں چھپائی جاری ہے جب کہ خیبر پختونخوا، پنجاب اور اسلام آباد کے حلقوں کے لیے بیلٹ پیپر اسلام آباد میں سرکاری پرنٹنگ آفس میں چھاپے جا رہے ہیں۔
مخصوص واٹر مارکس بیلٹ پیپرز کو مزین کریں گے جنہیں 3 مختلف مشینوں کے ذریعے پرنٹ کیا جانا ہے۔ بیلٹ پیپر کی تیاری کے عمل کے دوران پرنٹنگ کارپوریشن کے احاطے میں سخت حفاظتی اقدامات نافذ کیے گئے ہیں۔
ملک میں واٹر مارک والے بیلٹ پیپرز کا تعارف 2018 کے عام انتخابات کے دوران ہواجو ایک قابل ذکر سنگ میل کی علامت ہے۔ 3 پرنٹنگ مشینیں، بشمول سیکیورٹی پرنٹنگ کارپوریشن، پاکستان پوسٹل فاؤنڈیشن اور پرنٹنگ کارپوریشن آف پاکستان اس کے لیے استعمال کی جا رہی ہیں۔
