حکومت نے قومی بچت کی اسکیموں کی شرح منافع میں کمی کردی۔
ڈائریکٹوریٹ آف نیشنل سیونگ کے اعداد و شمار کے مطابق قومی بچت کی مختلف اسکیموں پر شرح منافع میں ردوبدل 26 جنوری سے کیا گیا ہے۔
ڈیفنس سیونگ سرٹیفکیٹس پر منافع کی شرح میں 19 بیسز پوائنٹس کی کمی کر دی گئی ہے جس کے بعد اس پر منافع کی شرح 14.4 فیصد سے کم کرکے 14.2 فیصد ہو گئی۔ بہبود سرٹیفکیٹس پر منافع کی شرح 16.1 فیصد سے کم کر کے 16.08 فیصد کر دی گئی ہے۔
ریگولر انکم سرٹیفکٹس پر منافع کی شرح میں 12 بیسز پوائنٹس کی کمی کی گئی ہے جس کے بعد ان سرٹیفکٹس پر منافع کی شرح 15.1 فیصد کم کر کے 15 فیصد ہو گئی ہے۔
اسپیشل سیونگ سرٹیفکیٹس پر منافع کی شرح میں 40 بیسز پوائنٹس کی کمی کر دی گئی ہے جس کے بعد ان سرٹیفکیٹس پر منافع کی شرح 16.4 فیصد کم ہو کر 16 فیصد ہو گئی۔
سیونگ اکائونٹس پر منافع کی شرح 20.50 فیصد اور پینشنرز بینیفٹس اکاؤنٹس پر منافع کی شرح 16.08 فیصد کر دی گئی ہے۔
شارٹ ٹرم سیونگ سرٹیفکیٹس پر منافع میں 46 بیسز پوائنٹس کی کمی کرتے ہوئے اس کی شرح 20.34 فیصد کردی گئی ہے۔ یہ شرح پہلے 20.80 فیصد تھی۔
