اقوام متحدہ کے فنڈ برائے اطفال (یونیسف) نے خدشہ ظاہر کیا ہے کہ سوڈان میں غذائی قلت کے باعث اس سال دسیوں ہزار بچوں کے ہلاک ہوسکتے ہیں جب کہ 7 لاکھ بچے اس وقت بدترین غذائی قلت کا سامنا کر رہے ہیں۔
برطانوی خبررساں ادارے کے مطابق اقوام متحدہ کا فنڈ برائے اطفال(یونیسیف )کے ترجمان جیمز ایلڈر نے جنیوا میں ایک پریس کانفرنس میں کہا کہ سوڈان میں رواں سال 700,000 بچے بدترین غذائی قلت سے دوچار ہو سکتے ہیں جن میں سے ہزاروں کی تعداد میں بچوں کے ہلاک ہونے کا بھی اندیشہ ہے۔
چیمز ایلڈر کا مزید کہنا تھا کہ شدید غذائی قلت کی وجہ سے ہیضہ اور ملیریا جیسی بیماریوں میں مبتلا 10 سال کے بچوں کی موت کا امکان زیادہ ہوتا ہے۔
انہوں نے مزید کہا کہ یونیسیف اس سال سوڈان میں7.5 ملین سے زیادہ بچوں کی مدد کے لیے 840 ملین ڈالر کی اپیل کر رہا ہے۔واضح رہے کہ سوڈان کی نصف آبادی تقریباً 25 ملین افراد کو انسانی امداد اور تحفظ کی ضرورت ہے۔
