امریکا اور یورپی یونین کے بعد بیلجیئم نے بھی وفاقی حکومت کے ملازمین کے زیر استعمال سرکاری موبائل فونز پر ٹک ٹاک استعمال کرنے پر پابندی لگا دی ہے۔
بیلجیئم حکومت نے دنیا بھر میں مقبول چینی ویڈیو شیئرنگ ایپ ٹک ٹاک سرکاری فونز پر استعمال کرنے پر پابندی عائد کر دی ہے۔ وفاقی ملازمین پر عائد یہ پابندی عارضی ہے جس کا دورانیہ چھ ماہ تک ہے۔
بیلجیئم حکومت کی جانب سے یہ اقدام سائبر سیکیورٹی کے پیش نظر اٹھایا گیا ہے۔ بیلجیئم کے وزیراعظم الیگزینڈر ڈیکرو کا کہنا ہے کہ یورپ اور امریکا کے شیئرنگ ایپ پر پابندی کی پیروی میں یہ قدم اٹھایا گیا ہے۔
ٹک ٹاک نے ابھی تک اس فیصلے پر کوئی ردعمل نہیں دیا۔اور اس بات کا خیال رکھا ہے کہ چینی حکومت کے ساتھ کوئی ڈیٹا شیئر نہ کیا جائے ۔
