ہوائی جہازوں میں اکثر اوقات ایسے واقعات بھی پیش آتے ہیں جن کے بارے میں جان کر حیرانی ہوتی ہے، جیسے آج دبئی سے اسلام آباد آنے والی پرواز میں نشے میں دھت ایک مسافر متشدد ہو گیا جسے ایمریٹس کے کیبن کریونے ہتھکڑیاں لگا کر قابو کیا۔اس واقعہ کی ویڈیو سوشل میڈیا پروائرل ہو گئی جسے صارفین کی جانب سے شدید تنقید کا نشانہ بنایا جا رہا ہےاور سوال اٹھایا جا رہا ہے کہ آخر وہ مسافر کون تھا اور کیا اسے چھوڑ دیا گیا ہے؟
This happened in Dubai flight to Islamabad this morning. Sent by a passenger who remained terrified during the flight: “Drunk guy extremely violent. Restrained and handcuffed by emirates cabin crew but I think Pak authorities let him go as he was well connected.” Q: who was he… pic.twitter.com/Mu0tE7d1rC
— Amir Mateen (@AmirMateen2) February 25, 2024
صحافی عامر متین کی جانب سے شیئر کی گئی ویڈیو میں ایک شخص کو ہوائی جہاز میں عملے سے بدتمیزی کرتے دیکھا جا سکتا ہے جس کے بعد جہاز کا عملہ مسافر کو پیچھے کی طرف دھکیلتا ہے اور اس کے ہاتھ باندھ دیتا ہے جبکہ دوسری ویڈیو میں مسافر کوبندھے ہاتھوں کے ساتھ وہیل چیئر پر جہاز سے باہر لایا جاتا ہے جس پر صارفین کی جانب سے یہ بھی کہا جا رہا ہے کہ پاکستانی حکام نے اسے جانے دیا کیونکہ شاید مسافر کے تعلقات طاقتور حلقوں سے تھے ۔
Who was he? Hope the law took its course as his violence could have threatened the whole flight. pic.twitter.com/B8hkUaovCW
— Amir Mateen (@AmirMateen2) February 25, 2024
ایک صارف شمع جونیجو لکھتی ہیں کہ امارات کی دوبئی سے اسلام آباد فلائیٹ میں نشے میں دھت پاکستانی مسافر نے اسٹاف سے بدتمیزی کی اور پھر اسے باندھ کر پاکستان لانا پڑا۔ انہوں نے سوال کیا کہ آخر یہ مسافر کون تھا؟
امارات کی دوبئی سے اسلام آباد فلائیٹ میں ایک نشے میں دھت پاکستانی مسافر کی اسٹاف سے دھینگا مُشتی۔۔۔
باندھ کے پاکستان لانا پڑا۔۔۔
یہ مسافر کون تھا؟ pic.twitter.com/glWEz1nJew— Shama Junejo (@ShamaJunejo) February 26, 2024
ایک صارف نے ویڈیو پر تبصرہ کرتے ہوئے لکھا کہ آخر ہمارا معاشرہ کہاں جا رہا ہے۔
🔸Another fact came to light – where is our society going? https://t.co/ynVRgFliQU
— Malak Shehzad Afridi (@MShehzadAfridi) February 25, 2024
عبدالرحمان لکھتے ہیں کہ جہاز کے عملے کو اس مسافرکا چہرہ دکھانا چاہیے تھا تاکہ لوگ اسے شرمندہ کر سکیں، ساتھ ہی انہوں نے لکھا کہ اس مسافر کو سلاخوں کے پیچھے ہونا چاہیے۔
@emirates you should show his face so people can name him and shame him. He should be behind the bars. https://t.co/J2Lw7bfhqr
— Abdurehman Sh 马献 (@AbdurehmanMunir) February 25, 2024
جہاں صارفین نے مسافر کو تنقید کا نشانہ بنایا وہیں ایمریٹس عملے کی بھی تعریف کی اور ان کو سراہتے نظر آئے، چند صارفین نے امید ظاہر کی کہ قانون اپنا راستہ اختیار کرے گا کیونکہ مسافر کے تشدد سے پوری پرواز کو خطرہ ہو سکتا تھا۔
