سماجی رابطے کی ویب سائٹ ’ایکس‘ پر بھارتی شہر بجنور کی ایک ویڈیو وائرل ہو رہی ہے جس میں مسلمان خاندان کو ہولی کے تہوار میں ہراساں کیا جا رہا ہے۔ وائرل ویڈیو میں دیکھا جا سکتا ہے کہ ہولی مناتے کچھ بھارتی انتہا پسند نوجوانوں نے موٹرسائیکل سوار مسلمان خاندان کو روک رکھا ہے اور جے شری رام کے نعرے لگاتے ہوئے ان پر پانی کی بالٹی انڈیلی اور زبردستی رنگ لگا رہے ہیں۔
The video from Bijnor shows a group of men forcefully applying Holi colours to a Muslim man and two women while harassing them amid religious chants. This is what happens when a chief minister openly flaunts his bigotry towards minorities. pic.twitter.com/qZOJsJN0J0
— Ismat Ara (@IsmatAraa) March 24, 2024
ویڈیو پر صارفین کی جانب سے سخت ردعمل دیا جا رہا ہے، بھارتی اداکارہ سوارا بھاسکر نے بھی ویڈیو پر رد عمل دیتے ہوئے کہا کہ ایسا لگتا ہے جیسے ہندو تہوار ان جتھوں کے لیے ہے جن کے لیے کوئی قانون اور ضابطہ نہیں ہے۔ یہ ایک شرمناک جرم ہے، کسی کو ہراساں کرنا بالکل غلط ہے۔
This is criminal physical assault, bullying & plain wrong! Shameful that this is what Hindu festivities are for mobs who have impunity from the highest powers in the land. This looking good on you?? @myogiadityanath @myogioffice @PMOIndia_RC @PMOIndia @narendramodi @Uppolice https://t.co/JDkIXYQKGU
— Swara Bhasker (@ReallySwara) March 24, 2024
ایک صارف نے لکھا کہ ہندو تہوار اپنی تقریبات اور جشن کم منا رہے ہیں جبکہ مسلمانوں کی تذلیل اور ہراساں کرنے کے بارے میں زیادہ ہو گئے ہیں۔
https://Twitter.com/ayeshasreverie/status/1771781328419053683?s=20
سوشل میڈیا پر ویڈیو وائرل ہونےکے بعد اترپردیش پولیس نے واقعےکا نوٹس لیا ہے، اس حوالے سے پولیس کا کہنا تھا کہ ہولی ایک مقدس تہوار ہے اور کسی پر رنگ ڈالنے کے لیے اس کی رضامندی ضروری ہوتی ہے، قانون کی خلاف ورزی کرنے والے کے خلاف سخت کارروائی کی جائے گی۔ پولیس کے مطابق واقعے میں ملوث ایک شخص کو گرفتار کر لیا گیا ہے۔
