برطانوی خاتون فریج اٹھا کر میراتھن دوڑیں گی

کیا آپ موٹر سائیکل یا فریج لے کر میراتھن دوڑیں گے؟ اس سال ٹی سی ایس لندن میراتھن 2024 میں 70 سے زائد ریکارڈ ہولڈرز اپنے تخلیقی ملبوسات پہنیں گے اور ریکارڈ قائم کرنے کی کوشش کریں گے۔

ٹی سی ایس لندن میراتھن (21 اپریل کو منعقد ہوگی) میں ریکارڈ توڑنے والے رنرز کو باضابطہ گنیز ورلڈ ریکارڈز ٹائٹل کے ساتھ ستمبر 2024 میں گنیز ورلڈ ریکارڈز 2025 ایڈیشن میں باوقار مقام حاصل ہوگا۔

اس دن آپ ’رائنو بوائے‘ کرس گرین کو ممالیہ جانور کے لباس میں تیز ترین میراتھن کے لیے بھاری گینڈے کے لباس میں دوڑتے ہوئے دیکھ سکتے ہیں، یا ریان واکلیٹ ڈریگ ریس یوکے اسٹار ’اے ہورا‘ جو چمکدار لباس میں ڈریگ کوئین کا لباس پہن کر تیز ترین میراتھن کی کوشش کر رہے ہیں۔

31 سالہ لورا برڈ اپنی نوعیت کی منفرد رنر ہیں۔ 22 میراتھن مکمل کرنے اور 2020 میں ایسٹ انگلین ایئر ایمبولینس کے لیے 7 ہزار پاؤنڈ جمع کرنے کے بعد، ماحولیاتی کنسلٹنٹ اور مصنفہ نے ٹی سی ایس لندن میراتھن 2024 میں فریج لے جاتے ہوئے حصہ لینے کا علان کیا ہے۔

لورا بچوں کے خیراتی ادارے ’رے آف سن شائن‘ کے لیے آگاہی اجاگر کرنے کے لیے دوڑ رہی ہیں اور ان کا ماننا ہے کہ ان کے پہلے کبھی نہ دیکھے گئے کارنامے سے لوگوں کو عطیات دینے کی ترغیب ملے گی۔ وہ کہتی ہیں کہ یہ جسمانی طور پر ریکارڈ بنانے کی ایسی کوشش ہے جس کی کوشش پہلے کبھی کسی خاتون نے نہیں کی۔

ٹی سی ایس لندن میراتھن 2023 میں سیم ہیمنڈ نے 57.9 پاؤنڈ (26.3 کلوگرام) وزنی فریج لے کر یہ ٹائٹل اپنے نام کیا تھا لیکن تاریخ میں یہ پہلا موقع ہے جب کوئی خاتون ایسا کارنامہ انجام دینے کی کوشش کریں گی۔