فلموں اور ڈراموں کے ذریعے اپنی پہچان بنانے والے نامور نوجوان اداکار، ماڈل و گلوکارعمران عباس نے انکشاف کیا ہے کہ انہوں نے پیشکش کے باوجود عاشقی 2 جیسی بڑی فلم چھوڑ دی۔
عمران عباس جنہوں نے مختلف ٹی وی شوز، ڈراموں اور فلموں میں اپنی اداکاری کے باعث نام کمایا حال ہی میں ایک نجی ٹی وی کے مارننگ شو میں بطور مہمان شرکت کی جہاں انہوں نے نجی زندگی کے علاوہ پیشہ وارانہ کیرئیر پر بھی بات کی۔
شو کے دوران اپنے کیریئر پر بات کرتے ہوئے اداکار عمران عباس نے انکشاف کیا کہ اُنہیں بھارتی فلم عاشقی 2، رام لیلا، فلم پی کے میں سرفراز کا کردار، فلم ’گزارش‘ میں آدیتیہ رائے کپور کا کردار اور جَلد ہی نیٹ فلکس پر ریلیز ہونے والی سیریز ’ہیرا منڈی‘ کی پیشکش ہوئی تھی لیکن انہوں نے ان فلموں میں آفر ہونے کے باوجود کام نہیں کیا۔
View this post on Instagram
عمران عباس کا کہنا تھا کہ اب لوگ احساس دلاتے ہیں کہ اتنی بڑی فلمیں چھوڑ کر کیسی فلموں میں کام کرلیا۔ اداکار کا مزید کہنا تھا کہ وہ ان فلموں میں کام نہ کر کے پچھتاوے کا شکار نہیں ہوئے اور نہ لوگوں کے احساس دلانے پر وہ پریشان ہوں گے۔
