سابق وزیر خزانہ مفتاح اسماعیل نے کہا ہے کہ وہ جھوٹے ریفرنس دائر کرنے پر عمران خان اور سابق چیئرمین نیب جاوید اقبال کے خلاف کیس کریں گے۔
نجی ٹی وی ’ڈان‘ کے پروگرام’ذرا ہٹ کے ‘ میں گفتگو کرتے ہوئے مفتاح اسماعیل سے پوچھا گیا کہ ان کے خلاف کچھ ثابت نہیں ہوسکا، نیب نے ریفرنس واپس لے لیا، اب کیا وہ جھوٹے کیسز بنانے والوں کا گریبان پکڑنے کا ارادہ رکھتے ہیں؟
مفتاح اسماعیل نے کہا’ ایسا ہونا ضروری چاہیے، اس لیے میں گریبان پکڑوں گا۔ میں نے اس کی ٹھانی ہوئی ہے‘۔
انہوں نے کہا ’نیب کی طرف سے ریفرنس کی واپسی کے بعد آج میرے لیے خوشی کا دن ہونا چاہیے تھا، بڑی تعداد میں لوگوں نے مجھے مبارک باد بھی دیں لیکن میرے لیے یہ ایک تلخ دن تھا۔ مجھے بہت سی باتیں یاد آ رہی تھیں۔ جب میرے گھر پر چھاپہ پڑا۔ میری بیوی۔۔۔۔۔۔‘
اس کے بعد مفتاح اسماعیل اپنے جذبات پر قابو نہ رکھ سکے۔ اور باقاعدہ رو پڑے۔
مفتاح اسماعیل پھوٹ پھوٹ کر روپڑے!
دائروں کا سفر ہے جو ختم ہوکر نہیں دے رہا۔ نیب نے کل شاہد خاقان عباسی، مفتاح اسماعیل اور دیگر کو بری کردیا۔ انہیں کلین چٹ دے دی۔
مفتاح اسماعیل کل اسی کا ذکر کرتے ہوئے پھوٹ پھوٹ کر روپڑے۔ یہ وہ کیس تھا جس میں ان شخصیات کو جیلوں کے اندر ڈالا گیا۔… pic.twitter.com/USvsigrv78
— Jamal Abdullah Usman (@JamalAbdullahPk) May 1, 2024
مفتاح اسماعیل نے کہا کہ وہ اس وقت کے وزیراعظم عمران خان، نیب افسر عرفان منگی اور جاوید اقبال( سابق چیئرمین نیب) کے خلاف مقدمہ دائر کریں گے۔ اور ان نیب افسران کے خلاف بھی کیس کریں گے جو ان کے کمرے میں آتے تھے اور انہیں پتہ تھا کہ وہ جھوٹ بول رہے ہیں اور مفتاح اسماعیل سچ بول رہا ہے۔
