بالی ووڈ کی معروف اداکارہ عالیہ بھٹ نے رواں سال امریکا میں سجنے والے میٹ گالا 2024 کے ریڈ کارپٹ پرجلوے بکھیر دیے، سوشل میڈیا پر ان کی لُک کے چرچے ہونے لگے۔
بھارتی اداکارہ عالیہ بھٹ نے میٹ گالا 2024 میں معروف ڈیزائنر سبیاساچی کی تیار کردہ ساڑھی میں شرکت کی، جس پر ہاتھوں سے بنے خوبصورت پھولوں کی کڑھائی کی گئی تھی۔ بھارتی میڈیا رپورٹس کے مطابق اس اداکارہ کی دیدہ زیب ساڑھی کو تقریباً 163 کاریگروں نے 1965 گھنٹوں میں تیار کیا ہے۔
فوٹو اور ویڈیو شیئرنگ ایپ انسٹاگرام پر اپنی تصاویر شیئر کرتے ہوئے عالیہ بھٹ نے اپنی دلکش ساڑھی کی تفصیلات لکھیں اور اس پر کی گئی ہاتھ کی کڑھائی سے متعلق لکھتے ہوئے اپنی ٹیم کا شکریہ بھی ادا کیا۔
View this post on Instagram
واضح رہے کہ میٹ گالا 2024 نیویارک کے میٹروپولیٹن میوزیم آف آرٹ میں منعقد ہوا جس میں معروف شخصیات نے تھیم کی مناسبت سے منفرد ملبوسات زیب تن کیے۔ اس سال میٹ گالا 2024 کی تھیم ’گارڈن آف ٹائم‘ رکھی گئی تھی جبکہ گزشتہ برس میٹ گالا یکم مئی 2023کو نیویارک میں منعقد ہوا تھا جس کا تھیم ’کارل لیگرفیلڈ: آ لائن آف بیوٹی‘ رکھا گیا تھا جو کہ آنجہانی جرمن ڈیزائنر کارل لیگر فیلڈ کے اعزاز میں تھا۔
