نائب وزیراعظم و وزیر خارجہ سینیٹر محمد اسحاق ڈار سے برطانیہ کے ہاؤس آف لارڈز کی رکن بیرونس سعیدہ وارثی نے وزارت خارجہ میں ملاقات کی۔
بدھ کو دفتر خارجہ کی جانب سے جاری بیان میں بتایا گیا ہے کہ وزیر خارجہ اورسعیدہ وارثی کے درمیان دوطرفہ تعلقات اور علاقائی صورت حال میں ہونے والی پیش رفت پر تبادلہ خیال کیا گیا۔
بیان کے مطابق ملاقات کے دوران انہوں نے پاکستان اور برطانیہ کے درمیان باہمی دلچسپی کے تمام شعبوں بشمول تجارت و سرمایہ کاری اوردونوں ممالک کے عوام کے درمیان روابط اور تعاون کو مزید بڑھانے کے لیے مل کر کام جاری رکھنے کے عزم کا اعادہ کیا ہے۔
