چیٹ جی پی کا نیاورژن: ریاضی کے پیچیدہ مسائل سلجھائے اور فلرٹ بھی کرے

اوپن اے آئی چیٹ جی پی ٹی کا نیا ورژن متعارف کرادیا ہے، جو نہ صرف ریاضی کے پیچیدہ سوالات حل کرنا سکھاتا ہے بلکہ صارفین سے فلرٹ بھی کرسکتا ہے۔

مصنوعی ذہانت کی حامل کمپنی تمام صارفین کے لیے اپنا نیا چیٹ جی پی ٹی ورژن GPT-4o متعارف کرا دیا ہے، جو چیٹ جی پی ٹی کے گزشتہ ماڈل سے تیز ہے، یہ صارفین سے نہ صرف چیٹ بلکہ ان کی دلچسپی کے لیے ان سے فلرٹ بھی کرسکتا ہے۔

نیا ورژن تصاویر کو پہچان کر ان پر بحث کر سکتا ہے، زبانوں کا ترجمہ کر سکتا ہے اور بصری تاثرات سے جذبات کی شناخت کر سکتا ہے، اس ورژن کی اپنی میموری بھی ہوگی، لہذا یہ باتوں کو یاد بھی کر سکتا ہے، یہ سوالات کا فوری جواب دیتا ہے اور ریاضی کے مشکل سوالات کو حل کرنے کا طریقہ بتاتا ہے۔

چیٹ جی پی ٹی کے نئے ورژن میں کچھ خرابیاں بھی سامنے آئی ہیں، اس کے لائیو ڈیمو کے دوران اس نے کاغذ کے ٹکڑے پر لکھی ہوئی ایک سادہ مساوات کو حل کرنے کے بجائے اس کے حل کرنے کے بارے میں مددگار تجاویز فراہم کیں، اس نے اطالوی اور انگریزی کے درمیان ترجمہ کرتے ہوئے مسکراتے ہوئے آدمی کی سیلفی میں جذبات کی ترجمانی کی۔

ایک امریکی خاتون کی آواز کا استعمال کرتے ہوئے اس نے اپنی حوصلہ افزائی کرنے والوں کو  سلام کرتے ہوئے دریافت کیا کہ آپ کیسے ہیں اور کیا کررہے ہیں، اس نے ایک ہی بات کو مختلف انداز میں بیان کیا، لائیو ڈیمو کے وقت اس ورژن کی تعریف کی گئی تو اس نے جواب دیا، ‘اسے بند کرو، آپ مجھے شرمندہ کررہے ہیں۔‘

یہی نہیں ایک موقع پر اس نے مسکراتے ہوئے آدمی کو لکڑی کی سطح سمجھ لیا اور اس نے ایک ایسی مساوات کو حل کرنا شروع کر دیا جو اسے حل کرنے کے لیے نہیں کہی گئی تھی۔

’اوپن اے آئی دیگر اے آئی ایپس سے بہت آگے ہے‘

ڈیپ مائنڈ کے شریک بانی مصطفیٰ سلیمان نے کہا ہے کہ ایلون مسک کے گروک اور پائی جیسے چیٹ بوٹس کو دیکھا ہے، جو اپنی مصنوعات کو ترجیح دیتے ہیں، لیکن جس طرح سے GPT-4o نے متن، آڈیو اور تصاویر کے امتزاج کو بغیر کسی رکاوٹ کے فوری جواب کے ساتھ ہینڈل کیا، ایسا لگتا ہے کہ اوپن اے آئی مصنوعی ذہانت کے مقابلے میں بہت آگے ہے۔

دوسری جانب ٹیکنالوجی کمپنی گوگل بھی اپنی نئی مصنوعی ذہانت لانچ کرنے کی تیاری کررہی ہے، جو اپنی سالانہ کانفرنس میں اپنی نئی مصنوعی ذہانت کی ایپلیکیشن لانچ کرے گی۔