دنیا کے امیر ترین شخص اور مائیکرو سافٹ کے شریک بانی بل گیٹس نے آخر وہ کام کرنے کے بارے میں اعلان کر دیا جس کے بارے میں اکثر ان سے سوال کیا جاتا تھا۔
غیر ملکی میڈیا رپورٹس کے بل گیٹس نے اپنی سوانح حیات لکھنے کا اعلان کر دیا ہے۔ Source Code: My Beginnings نامی یہ سوانح حیات فروری 2025 میں فروخت کے لیے پیش کی جائے گی۔
بل گیٹس کے مطابق اس کتاب میں ان کی ابتدائی زندگی پر روشنی ڈالی جائے گی۔ لڑکپن میں وہ اپنے والدین سے لڑتے تھے، کسی اپنے کو اچانک کھونے کا احساس اور کالج سے لگ بھگ نکالے جانے جیسے واقعات اس کتاب میں موجود ہوں گے۔ ان کا کہنا تھا کہ اس کتاب میں مائیکرو سافٹ کی بنیاد رکھنے کے فیصلے کے بارے میں بھی بتایا جائے گا۔
بل گیٹس کے مطابق یہ سوانح حیات مائیکرو سافٹ یا گیٹس فاؤنڈیشن یا ٹیکنالوجی کے مستقبل کے بارے میں نہیں، بلکہ یہ ایک انسان کی ذاتی کہانی ہے۔
مائیکرو سافٹ کے شریک بانی کا مزید یہ بھی کہنا تھا کہ اس میں بتایا جائے گا، بل گیٹس کیسے وہ انسان بنا جو آج نظر آتا ہے، ان کا بچپن کیسے تھا اور وہ جوانی میں کیا خواب دیکھتے تھے۔
