چیئرمین پاکستان تحریک انصاف عمران خان نے آج پیر کے روز اسلام آباد ہائی کورٹ میں پیش ہونے کا فیصلہ کیا ہے۔
عمران خان 5 مقدمات میں عبوری ضمانت حاصل کرنے کے لیے اسلام آباد ہائی کورٹ پیش ہوں گے۔
عمران خان جوڈیشل کمپلیکس میں توڑ پھوڑ کے کیس میں بھی ہائی کورٹ میں اپنی حاضری یقینی بنائیں گے۔
عمران خان کے ساتھ ان کے دو سینئر وکلاء نعیم پنجوتھہ اور سلمان صفدر بھی ہائی کورٹ میں دلائل کے لیے پیش ہوں گے۔
چیئرمین پی ٹی آئی صبح تقریباً 6 بجے زمان پارک سے روانہ ہوں گے اور سیکیورٹی خدشات کی بنیاد پر عبوری ضمانتیں حاصل کرنے کی درخواست کریں گے۔
عمران خان کی جانب سے جوڈیشل کمپلیکس میں سیکیورٹی خدشات کا ذکر درخواست میں کیا جائے گا۔
پی ٹی آئی چیئرمین پر جوڈیشل کمپلیکس اسلام آباد آمد پر توڑ پھوڑ کے الزام میں سی ٹی ڈی،گولڑہ اور رمنا تھانہ میں مقدمات درج ہوئے تھے۔
ذرائع کے مطابق عمران خان آج رات اپنی لیگل ٹیم کے ساتھ کچھ قانونی پہلوؤں پر حتمی مشاورت بھی کریں گے۔
