ہارورڈ یونیورسٹی سے کون سے کورسسز گھر بیٹھے مفت کیے جا سکتے ہیں؟

انسان ساری زندگی کچھ نہ کچھ سیکھتا رہتا ہے ، اپنے فارغ وقت کو کسی سیر حاصل کام میں گزارنا آپکو زندگی بھر کے لیے ایک بہترین ہنر سے نواز سکتا ہے۔ ٹیکنالوجی نے ترقی کی اور دنیا آن لائن ہوگئی اور اب آپ گھر بیٹھے باہر ممالک کی بہترین جامعات سے پڑھ سکتے ہیں۔

دنیا کے کسی بھی ملک کی کسی بھی یونیورسٹی سے آن لائن پڑھنے اور ایک نیا ہنر سیکھنے کے بہت سارے مواقع دستیاب ہیں اور ان میں سے کچھ ایسے بھی ہیں جن کے لیے آپکو کوئی فیس نہیں دینی پڑتی ۔

امریکہ کی سب سے زیادہ معزز سمجھی جانے والی ہارورڈ یونیوورسٹی گھر بیٹھے مفت آن لائن کورسسز کی سہولت میسر کر رہی ہے۔ ان کی آفیشل ویب سائٹ کے مطابق یونیورسٹی 11 مضامین کے شعبوں جیسے آرٹس، بزنس، کمپیوٹر سائنس، ڈیٹا سائنس، تعلیم اور تدریس، صحت اور طب، ہیومینیٹیز ، ریاضی، پروگرامنگ، سائنس، اور سماجی علوم کے 102 کورسز مفت کروائے گی۔

سماجی رابطوں کی ویب سائٹ ٹوئٹر پر حسن طور جو اپنے اکاؤنٹ سے ٹیکنالوجی اورمصنوعی ذہانت کے حوالے سے کنٹینٹ شئیر کرتے ہیں نے سلسلہ وار ٹویٹ کرتے ہوئے ان مفت کورسسز کے حوالے سے صارفین کے ساتھ معلومات شیئر کیں۔

حسن طور نے ٹوئٹ کرتے ہوئے لکھا کہ ہارورڈ یونیورسٹی کمپیوٹر سائنس سے لے کر مصنوعی ذہانت تک مفت آن لائن کورسز آفر کر رہی ہے اور ان میں سے 10 مفت کورسز ایسے ہیں جنہیں آپ چھوڑنا نہیں چاہیں گے۔

Harvard University offers a ton of FREE online courses.

From Computer Science to Artificial Intelligence.

Here are 10 FREE courses you don’t want to miss:

— Hasan Toor ✪ (@hasantoxr) March 27, 2023

حسن طور نے ان دس کورسز کے حوالے سے معلومات شیئر کرتے ہوئے اپنے ہر ٹوئٹ میں ان کورسسز میں داخلہ لینے کا طریقہ اور لنک بھی شیئر کیا۔ ان کورسسز میں کمپیوٹر سائنس کے مضمون سے کمپیوٹر سائنس اور پروگرامنگ ، Python اور JavaScript کے ساتھ ویب پروگرامنگ ، پروگرامنگ ود اسکریچ ، Python کے ساتھ پروگرامنگ، ٹیکنالوجی ،Python کے ساتھ مصنوعی ذہانت کا تعارف، گیم ڈولپمینٹ ، موبائل ایپ ڈیویلپمنٹ جیسے بہت سے آن لائن کورسسز شامل ہیں۔

2. Web Programming with Python and JavaScript

This course takes you deeply into the design and implementation of web apps with Python, JavaScript, and SQL using frameworks like Django, React, and Bootstrap.

Check here 👇https://t.co/DemRj49O0l pic.twitter.com/JULg5fyLsS

— Hasan Toor ✪ (@hasantoxr) March 27, 2023

ہارورڈ یونیورسٹی کی ویب سائٹ کے مطابق ان مفت آن لائن کورسز میں ایک ہفتے سے لے کر 12 ہفتوں تک کے مختلف شیڈولز ہوں گے جنہیں تین کیٹیگریز میں تقسیم کیا گیا ہے جن میں تعارف، انٹرمیڈیٹ، اور ایڈوانس لیول شامل ہیں۔

یونیورسٹی آپ کو ہر کورس کے مواد تک مفت رسائی حاصل کرنے کی سہولت بھی دے گی جس میں ویڈیوز اور دیگر پڑھنے کا مواد بھی شامل ہے۔ کورس کی تکمیل کے بعد تصدیق شدہ سرٹیفکیٹ حاصل کرنے کے لیے آپ اضافی فیس ادا کرنے کا انتخاب کر سکتے ہیں جسے آپ اپنے تجربے کی فہرست میں شامل کر سکتے ہیں۔