اسٹار بلے باز ویرات کوہلی نے ٹی20 ورلڈ کپ 2024 کی جیت کا سہرا اہلیہ اپنی انوشکا شرما کے سر سجاتے ہوئے کہا ہے کہ میں آپ کا مشکور ہوں کیونکہ یہ جیت جتنی میری ہے اتنی ہی آپ کی ہے، میں آپ سے بے حد پیار کرتا ہوں۔
فوٹو اینڈ ویڈیو شیئرنگ ایپ انسٹاگرام پر ویرات کوہلی نے ایک پوسٹ شیئر کی جس میں سورج کی کرنوں کے درمیان ویرات کوہلی اور انوشکا شرما خوشگوار موڈ میں نظر آ رہے ہیں۔ ویرات نے کیپشن میں لکھا کہ اس دنیا میں آپ کے بغیر میرے لیے کچھ بھی ممکن نہیں، آپ مجھے ایمانداری اور عجز و انکساری سکھاتی ہیں۔
View this post on Instagram
nbsp;
ویرات کوہلی کا انسٹاگرام پیغام انوشکا کی انسٹاگرام پوسٹ کے بعد سامنے آیا ہے۔ انوشکا شرما نے ویرات کوہلی کی ورلڈ کپ ٹرافی کے ساتھ تصویر شیئر کی تھی اور لکھا تھا کہ میں آپ سے پیار کرتی ہوں، اس جیت کا جشن منانے کے لیے شدت سے آپ کی گھر واپسی کی منتظر ہوں۔
View this post on Instagram
یاد رہے کہ آئی سی سی مینز ٹی20 کرکٹ ورلڈ کپ میں بھارت نے ویرات کوہلی کی شاندار بلے بازی کی بدولت جنوبی افریقہ کو سنسنی خیز معرکے میں 7 رنز سے شکست دی تھی۔ میچ کے فوراً بعد ہی کرکٹ گراؤنڈ میں ہی ویرات کوہلی نے اپنی اہلیہ اور بچوں سے موبائیل فون پر بات کی تھی۔
مین آف دی میچ کا ایوارڈ وصول کرتے ہوئے کوہلی نے ٹی20 فارمیٹ سے ریٹائرمنٹ کا اعلان کیا تھا۔
