وزیراعظم میاں محمد شہباز شریف آج بلوچستان کے دورے پر کوئٹہ پہنچیں گے۔
وزیراعلیٰ بلوچستان میرسرفرازبگٹی اور صوبائی وزرا وزیراعظم کا استقبال کریں گے۔
یہ بھی پڑھیں: بلوچستان میں زرعی ٹیوب ویلز کی شمسی توانائی پر منتقلی، احسن اقبال کی سفارشات پیش کرنے کی ہدایت
ذرائع نے وی نیوز کو بتایا کہ اس موقعے پر بلوچستان اور وفاقی حکومت کے مابین صوبے کے زرعی ٹیوب ویلزکی شمسی توانائی پر منتقلی کے حوالے سے معاہدے پر دستخط ہوں گے۔
وفاقی حکومت نے بلوچستان کے زرعی ٹیوب ویلز کوشمسی توانائی پر منتقل کرنے کے حوالے سے تعاون کی یقین دہانی کرائی تھی۔ میرسرفرازبگٹی نے زرعی شعبے کو زبوں حالی سے بچانے کے لیے وفاقی حکومت کے سامنے یہ معاملہ رکھا تھا۔
مزید پڑھیے: کسانوں سے کامیاب مذاکرات کے بعد وزیراعلیٰ بلوچستان کا 30 ہزار ٹیوب ویلز شمسی توانائی پر منتقل کرنے کا اعلان
اپنے دورے کے دوران وزیراعظم زمینداروں میں سولر سسٹم بھی تقسیم کریں گے۔
اس موقعے پر وزیراعظم شہباز شریف کو امن وامان اور ترقیاتی منصوبوں کے حوالے سے بریفنگ بھی دی جائے گی۔
