سابق وزیراعظم اور بانی پی ٹی آئی عمران خان کی اہلیہ بشریٰ بی بی کے سابق شوہر خاور مانیکا نے دو روز قبل پریس کانفرنس کی جس میں ان کا کہنا تھا کہ عمران خان اور بشریٰ بی بی نکاح کیس کے مجرم ہیں، ان کا کہنا تھا کہ قوم کو وجہ تو بتادیں کہ اتنی جلدی کس بات کی تھی کہ عدت کو بھی پورا نہیں ہونےدیا گیا۔
ایک طرف خاور مانیکا پریس کانفرنس کرتے ہوئے جذباتی ہو گئے اور قانونی پیچیدگیوں کو موضوع بنائے رکھا اور چیف جسٹس سے گزارش کرتے رہے کہ وہ اس کیس کے لیے میڈیکل بورڈ اور شعریعت کے نمائندوں کا بورڈ بنائیں جبکہ دوسری جانب ان کے وکیل اس سنجیدہ پریس کانفرنس کے دوران موبائل پر لڈو اسٹار گیم کھیلتے رہے۔
مزید پڑھیں:عمران خان اور بشریٰ بی بی کو کیا جلدی تھی کہ عدت میں نکاح کیا؟ حقائق قوم کو بتائیں، خاور مانیکا
وکیل کی ویڈیو وائرل ہوئی تو خاور مانیکا کے الزامات سے زیادہ ان کے وکیل سوشل میڈیا پر موضوع بحث رہے، صارفین کا کہنا تھا خاور مانیکا کی باتیں اتنی غیر اہم تھیں کہ ان کے اپنے وکیل بھی اس سے اکتا گئے اور دورانِ پریس کانفرنس ہی لڈو اسٹار کھیلتے رہے۔
Yaaaardh
🤣🤣🤣 pic.twitter.com/8CwQgVeL3V— Salman Khan (@FrankfurtPK) July 10, 2024
ایک صارف نے طنزاً ویڈیو پر تبصرہ کرتے ہوئے لکھا کہ خاور مانیکا کی اپنی زندگی بھی لڈو اسٹار جیسی ہے جس کے ساتھ کوئی اور کھیل رہا ہے۔
مونیکا کی اپنی زندگی بھی لڈو سٹار ھی ھے کھیل کوئی اور رھا ھے 🤣🤣😂😂😂 https://t.co/DjFYzvgWSj
— uظمیhaiدر / 우즈마 해델 (@ChUhaider) July 10, 2024
ایک ایکس صارف نے خاور مانیکا کی پریس کانفرنس پر پوچھا کہ یہ سب کیا ہے اور کتنی دیر مزید جاری رہے گا۔
کیا ہے یہ سب اور اب کتنا وقت تک اور چلے گا۔۔
— Mala (@Malanawaz10) July 11, 2024
