یومِ آزادی کے موقع پر بجلی کی قیمتوں میں ہوشربا اضافے سے پریشان عوام کے لیے ’بِل بِل پاکستان‘ کے نام سے گانا ریلیز کرنے والے معروف یو ٹیوبر اور آرٹسٹ عون علی کھوسہ کو نامعلوم افراد کی جانب سے مبینہ طور پر حراست میں لے لیا گیا۔
عون کھوسہ کے بھائی علی شیر کھوسہ نے سماجی رابطوں کی سائیٹ ایکس پر اپنے پیغام میں کہا کہ آدھی رات کو نا معلوم مسلح افراد نے ان کے بھائی عون کھوسہ کو حراست میں لے لیا ہے، انہوں نے صارفین سے اپنے بھائی کے لیے دعا کرنے کی درخواست کرتے ہوئے کہا کہ اس خبر کو زیادہ سے زیادہ شیئر کریں کیونکہ یہ ان کے خاندان کے لیے بہت اہمیت رکھتا ہے۔
AOA everyone, today in the middle of the night my Brother @aun_khosa has been taken into custody by some unknown armed men from his Flat in Lahore. Kindly pray for him. Do spread the word as it will mean a lot to our Family #releaseAunAliKhosa pic.twitter.com/tBaIPTOa48
— Ali Sher Khosa (@SheruzWorld) August 15, 2024
عون کھوسہ کو حراست میں لیے جانے کی خبر کے بعد صارفین کی جانب سے شدید ردعمل دیکھنے میں آ رہا ہے، صارفین کا کہنا ہے کہ بجلی کے بلوں میں اضافے کے حوالے سے پیروڈی نغمہ بنانا ان کا جرم بن گیا ہے اور انہیں اسی کی سزا دی گئی ہے۔
ایک صارف نے لکھا کہ انہیں لگتا ہے کہ عون کھوسہ کے پیروڈی گانے کی وجہ سے انہیں نا معلوم افراد کی جانب سے حراست میں لیا گیا ہے انہوں نے تنقید کرتے ہوئے کہا کہ یہ کتنی شرم کی بات ہے کہ لوگوں سے طنز بھی برداشت نہیں ہوتا۔
I think because of his parody song
What a shame
Even satire offends them pic.twitter.com/kDKv7bG6mY— Azeem Sabzwari (@Azeem_Sabzvari) August 15, 2024
پی ٹی آئی کے آفیشل ٹوئٹر اکاؤنٹ سے عون کھوسہ کو حراست میں لیے جانے کی مذمت کرتے ہوئے کہا گیا کہ پاکستانی عوام کو جینے دیں، ہماری اخلاقی اقدار اور جمہوریت کو مزید تباہ نہ کریں۔
اپنے پیغام میں پی ٹی آئی کا مزید کہنا تھا کہ عون کھوسہ اور تمام مغوی لوگوں کو رہا کیا جائے کیونکہ یہ ناقابل قبول اورغیر قانونی ہے۔
Let the people of Pakistan live, don’t further destroy our moral values and democracy.
Release Aun, release all abducted people as this is absolutely unacceptable and ILLEGAL. Enough! https://t.co/C2vt9DTXag
— PTI (@PTIofficial) August 15, 2024
عمران افضل راجہ کا کہنا تھا کہ عون کھوسہ انتہائی شریف النفس اور اپنی حدود کے اندر کام کرنے والا آرٹسٹ ہے جس نے کبھی کسی کی تضحیک نہیں کی، ان کا مزید کہنا تھا کہ اگر کسی کو ان کے لطیف مزاح سے بھی مسئلہ ہے تو بہتر ہے پاکستان کی بجائے کسی افریقی ملک کو چن لیں کیونکہ عون کھوسہ کو غائب کرانے سے مسائل حل نہیں ہوں گے۔
عون علی کھوسہ @aun_khosa ایک انتہائی شریف النفس اور اپنی حدود کے اندر کام کرنے والا آرٹسٹ ہے جس نے کبھی کسی کی تضحیک نہیں کی
اگر
آپ کو اس کے لطیف مزاح سے مسئلہ ہے
تو بہتر ہے کسی افریقی ملک کو چُن لیں
۔۔
“10 مسلح نقاب پوشوں سے عون کھوسہ کو غائب کروانے سے مسائل حل نہیں ہوں گے” pic.twitter.com/6K7d1lxUB3— Imran Afzal Raja (@ImranARaja1) August 14, 2024
بین الاقوامی شہرت یافتہ شاعرہ نوشی گیلانی لکھتی ہیں کہ عون علی کھوسہ بھی لاپتہ کر دیئے گئے، نقاب پوش آئے اور ساتھ لے گئے۔
عون علی کھوسہ بھی لاپتہ کر دیئے گئے ۔۔ نقاب پوش آئے اور ساتھ لے گئے !!@aun_khosa pic.twitter.com/SpjqDqApWd
— Noshi Gilani (@noshigilani) August 15, 2024
وجاہت سمیع نے کہا کہ عون علی کھوسہ کو بِل بِل پاکستان کا مزاحیہ ترانہ بنانے پر اغوا کیا گیا ہے کیونکہ اس ترانے میں عوام کو احساس دِلایا گیا ہے کہ ایسی آزادی کا کیا فائدہ جس میں آپ آزادی کے 77ویں سال تک بھی غربت اور بے بسی کی زندگی گزار رہے ہیں۔
عون علی کھوسہ کو بِل بِِل پاکستان کا مزاحیہ ترانہ بنانے پر اغوا کیا گیا ہے۔ دراصل اس ترانے میں عوام کو احساس دِلایا گیا ہے کہ ایسی آزادی کا کیا فائدہ جس میں آپ آزادی کے 77ویں سال تک بھی غربت اور بے بسی کی زندگی گزار رہے ہیں۔ pic.twitter.com/oiW8Ph0Ocu
— Wajahat Sami (@Wajahat_PTI_) August 15, 2024
واضح رہے کہ یومِ آزادی کے موقع پر ریلیز کیا گیا عون کھوسہ کا گانا ’بل بل پاکستان‘ تیزی سے مقبول ہو رہا تھا تھا اور اسے عوام کی جانب سے خوب پذیرائی مل رہی تھی، صارفین کا کہنا تھا کہ عون چوہدری نے مزاحیہ کانٹینٹ کے ذریعے عوامی جذبات کی بھرپور ترجمانی کی ہے۔
