پاکستانی کرکٹ ٹیم کی بنگلہ دیش کے ہاتھوں 10 وکٹوں سے ٹیسٹ کرکٹ کی پہلی شکست پر جہاں سابق پاکستانی کرکٹرز نے قومی ٹیم کی کارکردگی اور پی سی بی انتظامیہ کو تنقید کا نشانہ بنایا ہے وہیں غیر ملکی کرکٹرز بھی پاکستان کی اس بدترین شکست پر خاموش نہ رہ سکے۔
What happened to cricket in Pakistan? When I played the PSL, the standard of that league was tremendous, the players had a very good work ethic and the youngsters on display were magic.
What’s happening there?
— Kevin Pietersen🦏 (@KP24) August 26, 2024
انگلینڈ کی قومی کرکٹ ٹیم کے مایہ ناز سابق بلے باز کیون پیٹرسن نے بھی ایکس ڈاٹ کام پر اپنے رد عمل میں حیرت کا اظہار کرتے ہوئے استفسار کیا ہے کہ پاکستان میں کرکٹ کو کیا ہوگیا ہے، کیونکہ جب وہ ڈومیسٹک سپر لیگ کھیلنے پاکستان آئے تھے تو انہوں نے ملک میں کرکٹ کا اچھا معیار پایا تھا۔
یہ بھی پڑھیں: بنگلہ دیش کی راولپنڈی ٹیسٹ میں پاکستان کے خلاف پہلی تاریخی فتح
ایکس پر اپنی پوسٹ میں انہوں نے لکھا ہے کہ جب انہوں نے پی ایس ایل کھیلا تھا تو اس لیگ کا معیار بہت اچھا تھا، کھلاڑیوں میں کام کرنے کی اخلاقیات بہت اچھی تھیں اور نوجوانوں میں جادو تھا۔’ پاکستان میں کرکٹ کو کیا ہوا؟‘
مزید پڑھیں: پاکستان کرکٹ ٹیم کو بنگلہ دیش سے شکست پر شاہد آفریدی پھٹ پڑے
واضح رہے کہ راولپنڈی میں کھیلے گئے حالیہ ٹیسٹ میچ میں بنگلہ دیش نے پاکستان کو پہلی مرتبہ اور وہ بھی 10 وکٹوں سے شکست دے کر تاریخی فتح اپنے نام کی ہے، پہلے ٹیسٹ کے آخری روز پاکستان کرکٹ ٹیم اپنی دوسری اننگز میں صرف 146 رنز بناکرآؤٹ ہوگئی تھی اور مہمان ٹیم کو جیت کے لیے صرف 30 رنز کا ہدف دیا تھا جو اس نے بغیر کسی نقصان کے حاصل کرلیا۔
