ایف آئی اے امیگریشن نے بھائی کے پاسپورٹ پر سفر کرنے والے مسافر کو آف لوڈ کر دیا۔ مسافر فلائٹ نمبر VS365 کے ذریعے برطانیہ جا رہا تھا۔
ایف آئی اے اعلامیہ کے مطابق مسافر اپنے جڑواں بھائی وجاہت احمد کے پاسپورٹ پر برطانیہ جانے کی کوشش کر رہا تھا۔ ملزم کے بھائی کے پاسپورٹ پر برطانیہ کا تعلیمی ویزہ لگا ہوا تھا۔
ایف آئی اے امیگریشن نے مسافر کو بارڈر مینیجمنٹ سسٹم کے ریکارڈ کی مدد سے گرفتار کیا۔ ابتدائی تفتیش کے مطابق ملزم کا اصلی نام مظہر احمد ہے اور اس کا تعلق چینیوٹ سے ہے۔
ملزم کو مزید قانونی کارروائی کے لیے اینٹی ہیومن ٹریفیکنگ سرکل لاہور منتقل کر دیا گیا ہے۔
