بھارت میں ایک شخص نے گائے پر بھونکنے والے کتے کو ڈنڈے مار کر ہلاک کردیا۔
یہ واقعہ بھارتی شہر بھارتی شہر مراد آباد میں پیش آیا ہے جس کی ویڈیو سوشل میڈیا پر وائرل ہوگئی ہے۔ اس ویڈیو میں دیکھا جاسکتا ہے کہ ایک شخص زمین پر پڑے کتے کو ڈنڈے مار رہا ہے جبکہ آس پاس کھڑے لوگ اس کی ویڈیو بنارہے ہیں۔
یہ بھی پڑھیں: کتے کے حملے کا نشانہ بننے والی خاتون کس عذاب سے گزر رہی ہے؟
ویڈیو میں لوگوں کو اس شخص کو برا بھلا کہتے اور یہ سوال کرتے سنا جاسکتا ہے کہ وہ کتے کو ڈنڈے کیوں مار رہا ہے۔
بھارتی میڈیا کے مطابق، کتے پر ڈنڈے برسانے والا شخص ایک ڈیری فارم کا مالک ہے جس نے کتے کو گائے پر بھونکنے کی وجہ سے تشدد کا نشانہ بنایا۔
یہ بھی پڑھیں: اسلام آباد میں آوارہ جانوروں کا فائیو اسٹار شیلٹر ہوم
واقعہ کی ویڈیو وائرل ہونے کے بعد مراد آباد پولیس نے کتے پر تشد کرنے والے شخص کے خلاف قانونی کارروائی کرتے ہوئے جانوروں پر ظلم کی دفعات کے تحت مقدمہ درج کرلیا ہے۔
