قومی اسمبلی میں اپوزیشن لیڈر اور رہنما پی ٹی آئی عمر ایوب خان کا ایک کلپ سوشل میڈیا پر وائرل ہو رہا ہے جس میں وہ وفاقی وزیر داخلہ محسن نقوی کو تنقید کا نشانہ بناتے ہوئے کہتے ہیں کہ ہمارے صبر کا پیمانہ لبریز نہ کریں اور ان لوگوں سے معافی مانگیں جن کے لوگ آپ نے شہید کیے ہیں۔
میڈیا سے گفتگو کرتے ہوئے عمر ایوب خان نے وفاقی وزیر داخلہ کو مخاطب کرتے ہوئے کہا کہ آپ کے آرڈرز پر ہی عمران خان، شاہ محمود قریشی اور باقی لوگ جیل میں قید ہیں اور ان سے ملاقات کی بھی اجازت نہیں ہے۔ انہوں نے محسن نقوی کو مخاطب کرتے ہوئے کہا کہ منافقت نہ کریں۔
محسن نقوی ہمارے صبر کا پیمانہ لبریز مت کرو تمہارے حکم سے عمران خان سے دنیا کا رابطہ منقطع کیا گیا ہے یہ منافقت چھوڑ دو۔
عمر ایوب خان pic.twitter.com/ViBpkZyhun
— Ahmad Hassan Bobak (@ahmad__bobak) October 10, 2024
عمر ایوب خان کا کلپ سوشل میڈیا پر وائرل ہوا تو صارفین کی جانب سے انہیں شدید تنقید کا سامنا کرنا پڑا۔ ایک صارف نے عمر ایوب کو مخاطب کرتے ہوئے کہا کہ منافقت چھوڑ دیں، محسن نقوی اس قابل نہیں کہ ایسا حکم جاری کر سکیں۔ اگر آپ کمپنی کمانڈر کا نام نہیں لے سکتے تو بات مت کریں۔
عمر ایوب خان :
منافقت تم چھوڑ دو
محسن نقوی کی اتنی اوقات کہاں کہ کوئی ایسا حکم دے سکے ؟؟
اگر کمپنی کمانڈر کا نام نہیں لے سکتے تو بات مت کرو ! https://t.co/BuogaUnj3I— Roy Mukhtar Ahmad (@RoymukhtarRoy) October 10, 2024
ایک صارف نے عمر ایوب کو آڑے ہاتھوں لیتے ہوئے کہا کہ ان کے صبر کا پیمانہ ابھی تک لبریز نہیں ہوا۔
اس آدمی کے صبر کا پیمانہ ابھی تک لبریز نہیں https://t.co/loX1vm6LVC
— Sadeeq Afridi (@AfridiSade28116) October 10, 2024
ایک ایکس صارف کا کہنا تھا کہ عمر ایوب صرف بڑھکیں مار رہے ہیں، عوام عمران خان کے لیے باہر نکلنا چاہتی ہے لیکن کوئی نہ کوئی چال چل کر اسے بھی کنفیوز کردیتے ہیں۔ یہ قیادت عمران خان کے ساتھ بالکل مخلص نہیں۔
صرف بھڑکیں مار رہے ہیں عوام نکلنا چاہتی ہے کوئی نا کوئی چال چل کر اسے بھی کنفیوز کردیتے ہیں یہ قیادت عمران خان کے ساتھ بلکل مخلص نہیں دوسرا چوہدری نثار کا اس وقت پارٹی میں شامل ہونا بھی عجیب بات ہے جبکہ خان قید تنہائی میں ہے اور ان سے کسی کا کوئی رابطہ نہیں ۔ اللہ خیر کرے بس
— Tahbeer (@MIKKSHILPK) October 10, 2024
خان نامی صارف نے کہا کہ روز کی بنیاد پر انٹرویو دینے سے کچھ نہیں ہوگا۔ ایک بار باہر نکل کر بھی دکھائیں۔ ساتھ ہی انہوں نے پی ٹی آئی آئی کی قیادت کو تنقید کا نشانہ بناتے ہوئے کہا کہ یہ بہت بزدل ہے۔
ایک بار باہر نکل کے تو دکھاؤ روز کے یہ انٹرویو دیتے ہوئے اس سے کچھ نہیں بنے گا مذمت ہی ایک واحد راستہ ہے بہت بزدل ہماری یہ پی ٹی ائی والوں کی قیادت ہے
— khan (@khan242112) October 10, 2024
