وزیراعظم شہباز شریف نے ایسٹر کے موقع پر مبارکباد کے پیغام میں کہا ہے کہ دنیا بھر کی مسیحی برادری، خاص طور پر ہمارے پاکستانی مسیحی بھائیوں اور بہنوں کو ایسٹر کی بہت بہت مبارکباد۔
وزیراعظم آفس سے جاری اعلامیہ کے مطابق ایسٹر پیار محبت اور باہمی احترام کے جذبے کا نام ہے۔ موجودہ وقت میں اتحاد اور مذہب کے درمیان ہم آہنگی کی ضرورت ہے۔ حضرت عیسیٰ علیہ السلام نے ہمیں ضبط وتحمل ، بھائی چارے اور انسانیت کے ساتھ محبت کا درس دیا ہے۔
Wishing a very happy Easter to Christian community around the world, particularly our Pakistani Christian brothers & sisters celebrating this day. Let us all vow to do our bit in making the world a peaceful place where communities can live in harmony & build a tomorrow of hope.
— Shehbaz Sharif (@CMShehbaz) April 9, 2023
وزیراعظم نے کہا کہ ایسٹر کا تہوار ہمیں حضرت عیسیٰ علیہ السلام کی برداشت کی یاد دلاتا ہے۔ حضرت عیسیٰ علیہ السلام کی تعلیمات کو اپنا کر ہی معاشرے میں امن اور اتفاق قائم کیا جا سکتا ہے۔
وزیراعظم شہبازشریف نے مزید کہا کہ مسیحی برادری نے نہ صرف تحریک پاکستان میں اہم کردار ادا کیا بلکہ وہ ملکی ترقی میں بھی ہاتھ بٹا رہی ہے۔ حکومت ملک میں تمام اقلیتوں کے بنیادی حقوق کے تحفظ اور ان کے جان ومال کی حفاظت کے لیے پر عزم ہے۔
وزیراعظم پاکستان نے کہا کہ آیے ہم سب دنیا کو ایک پرامن جگہ بنانے کا عہد کریں جہاں کمیونٹیز ہم آہنگی کے ساتھ رہ سکیں اور بہتر مستقبل کی طرف گامزن ہوں۔
اپنے تمام مسیحی شہریوں کو ایسٹر کی مبارکباد پیش کرتا ہوں۔
— Imran Khan (@ImranKhanPTI) April 9, 2023
چیئرمین سینیٹ کی ایسٹر کی مبارکباد
چیئرمین سینیٹ محمد صادق سنجرانی نے ایسٹر کے موقع پر مسیحی بھائیوں اور بہنوں اور ان کے اہل خانہ کو دل کی گہرائیوں سے مبارکباد اور نیک خواہشات کا اظہار کیا ہے۔
انہوں نے کہا کہ مسلمان ہونے کے ناتے ہم اپنے مسیحی بھائیوں کے ساتھ ایک قدر مشترکہ رکھتے ہیں جس کی بنیاد نبی حضرت عیسیٰ (علیہ السلام) کے لیے ہماری باہمی محبت اور تعظیم ہے۔
Chairman Senate of Pakistan, Muhammad Sadiq Sanjrani extends Easter Greetings to Christian brothers & sisters in Pakistan & around the world. This occasion gives us a chance to reflect on love, compassion & forgiveness, & work towards building an inclusive & tolerant society.
— Senate of Pakistan (@SenatePakistan) April 9, 2023
اپنے پیغام میں چیئرمین سینیٹ محمد صادق سنجرانی نے ایک ایسے معاشرے کی تشکیل کے لیے مل کر کام کرنے کی اہمیت پر بھی زور دیا جو تمام عقائد کے لیے رواداری اور احترام کرنے والا ہو۔
چئیرمین سینیٹ نے اس موقع پر پاکستانی عیسائی برادری کی ملک کی ترقی میں موثر کردار کو بھی سراہا۔ چیئرمین سینیٹ نے اپنے پیغام کے اختتام پر اس امید کا اظہار کیا کہ ایسٹر ہمارے مسیحی بھائیوں اور بہنوں کے لیے امن اور خوشیوں کا باعث بنے اور ہمارے بھائی چارے کا رشتہ ہر گزرتے دن کے ساتھ مزید مضبوط ہو۔
On this blessed occasion of #Easter, I extend my warmest greetings to our Christian brothers and sisters in #Pakistan and around the world. May this day inspire us all to work towards a world where all faiths and communities can live in peace, harmony, and mutual respect.
— BilawalBhuttoZardari (@BBhuttoZardari) April 8, 2023
سینیٹر شیری رحمان کی مسیحی برادری کو ایسٹر کی مبارکباد
وفاقی وزیرموسمیاتی تبدیلی سینیٹرشیری رحمان نے ایسٹرکے موقع پر مسیحی برادری کو مبارکباد دی ہے۔ اپنے ٹویٹ میں انہوں نے کہا ہے کہ ایسٹر کے پر مسرت موقع پر میں پاکستان کی مسیحی برادری اور دنیا بھر میں ایسٹر منانے والے تمام لوگوں کو مبارکباد اور نیک خواہشات پیش کرتی ہوں۔
دعا ہے یہ دن آپ کے لیے بہت ساری خوشیاں اور مسکراہٹیں لائے۔ انہوں نے کہا کہ پاکستان کے قیام اور ترقی میں مسیحی برادری کا کردار اور خدمات قابل تعریف ہیں۔ ایک کثیر ثقافتی معاشرے کے طور پر یہ ضروری ہے کہ ہم تمام مذاہب اور تیہواروں کا احترام کریں۔
ایسٹر کے پرمسرت موقع پر میں پاکستان کی مسیحی برادری اور دنیا بھر میں ایسٹر منانے والے تمام لوگوں کو مبارکباد اور نیک خواہشات پیش کرتی ہوں۔ دعا ہے یہ دن آپ کے لیے بہت ساری خوشیاں اور مسکراہٹیں لائے۔ پاکستان کے قیام اور ترقی میں مسیحی برادری کا کردار اور خدمات قابل تعریف ہیں۔ 1/2 pic.twitter.com/YxkacJyOsH
— SenatorSherryRehman (@sherryrehman) April 9, 2023
ایک دوسرے کی خوشیوں میں شریک ہوں اور مذہبی ہم آہنگی اور رواداری کو فروغ دیں۔ آیے ہم سب مل کر رواداری اور باہمی احترام کے اصولوں پر مبنی ایک پر امن معاشرے کو فروغ دیں۔
اسپیکر و ڈپٹی اسپیکر قومی اسمبلی کی مسیحی برادری کو مبارکباد
اسپیکر قومی اسمبلی راجہ پرویز اشرف اور ڈپٹی اسپیکر زاہد اکرم درانی نے ایسٹر کے پر مسرت موقع پر مسیح برادری سے تعلق رکھنے والے اراکین پارلیمنٹ اور مسیح برادری کو مبارکباد دی ہے۔ انہوں نے اس امید کا اظہار کیا کہ ایسٹر پوری مسیح برادری کے لیے خوشیوں اور خوشحالی کا پیغام ثابت ہوگا۔
انہوں نے کہا حضرت عیسٰی علیہ السلام کو اللہ تعالیٰ نے محبت، رواداری اور بھائی چارے کی تبلیغ کے لیے مبعوث کیا۔ حضرت عیسٰی علیہ السلام کی محبت کا پیغام آج بھی سب قومیتوں اور برادریوں میں ہم آہنگی کو فروغ دینے اور دنیا میں امن کو یقینی بنانے کے لیے مشعل راہ ہے۔
انہوں نے کہا کہ ملک کو در پیش چیلنجوں کا مقابلہ کرنے کے لیے ہمیں اپنی صفوں میں اتحاد پیدا کرنا ہو گا۔ سپیکر نے پاکستان میں بسنے والی تمام اقلیتوں کو آئین میں دیے گئے حقوق اور قائدآعظم محمد علی جناح کے رہنما اصولوں کے مطابق تحفظ فراہم کرنے کے عزم کا اعادہ کیا۔ انہوں نے پاکستان میں بسنے والی مسیح برادری کے جذبہ حب الوطنی اور ملک کی ترقی اور خوشحالی کے لیے ان کی بے لوث خدمات کو سراہا۔
ڈپٹی سپیکر زاہد اکرم درانی نے بھی ایسٹر کے پر مسرت موقع پر مسیح اراکین پارلیمنٹ اور مسیح برادری کو مبارک باد دیتے ہوئے ملک کی تعمیر و ترقی میں مسیح برادری کے کردار کو سراہا۔ انہوں نے کہا کہ اسلام اقلیتی برادری کو مساوی حقوق دیتا ہے اور ان کے ساتھ میانہ روی سے پیش آنے کا درس دیتا ہے۔
انہوں نے قائداعظم کی 11 اگست 1947 کے قومی اسمبلی کے خطاب کا حوالہ دیتے ہوے کہا کہ پاکستان کا آئین تمام اقلیتی برادری کو اپنی مذہبی رسومات ادا کرنے کی مکمل آزادی دیتا ہے۔
