وزیراعلیٰ سندھ کی ایشین ڈیویلپمنٹ بینک کی کنٹری ڈائریکٹرایما فین سے ملاقات۔ ملاقات میں سندھ میں ایشین ڈیویلپمنٹ بینک کی مدد سے جاری منصوبوں پر بات چیت کی گئی۔
یہ بھی پڑھیں:وزیراعلیٰ سندھ مراد علی شاہ، نوری آباد پاور پروجیکٹ ریفرنس سے کیسے بری ہوئے؟
ترجمان وزیر اعلیٰ سندھ کے مطابق سیلاب متاثرین کے گھروں کے لیے پانی، صفائی ستھرائی اور حفظان صحت کے منصوبوں پرتبادلہ خیال کیا گیا ہے۔
واش روم اور سیوریج سسٹم بنانے کی ضرورت
اس موقع پر وزیراعلیٰ نے آگاہ کیا کہ ورلڈ بینک،ایشین بینک اوردیگراداروں کی مدد سےسیلاب متاثرین کے لیے گھر بنا رہےہیں، اس وقت سیلاب متاثرین کے لیے صحت پروجیکٹ میں واش روم اور سیوریج سسٹم بنانے کی ضرورت ہے۔
سولر پروجیکٹ
ترجمان کے مطابق وزیراعلیٰ سندھ نےسیلاب متاثرین کےگھروں کے سولر پروجیکٹ کے لیے بھی سپورٹ کی بات کی، سیلاب متاثرین کے علاوہ بھی سندھ حکومت نے سولر پروجیکٹ شروع کیا ہے، بجلی کی قیمت زیادہ ہونے سے لوگ مہنگی بجلی کے متحمل نہیں۔
ترجمان وزیر اعلیٰ سندھ کے مطابق ایشین ڈیویلپمنٹ بینک نے صحت اور سولر پروجیکٹس کے لیے مدد کی یقین دہانی کرائی ہے۔
وزیراعلیٰ سندھ نے کراچی میں واٹر ٹریٹمنٹ پلانٹ کے لیے بھی ایشین ڈیویلپمنٹ بینک سے تعاون طلب کیا۔
اس موقع پر کنٹری ڈائریکٹر اےڈی بی نے وزیراعلیٰ سندھ کو ٹی پی 4 کے لیے مکمل حمایت دینے کی یقین دہانی کرائی ہے۔
وزیراعلیٰ سندھ نے محکمہ منصوبہ بندی و ترقی کو ٹی پی 4 کے ڈاکیومینٹس اے ڈی بی کو پہنچانے کی ہدایت کی ہے۔
وزیراعلیٰ سندھ کا کہنا ہے کہ ٹی پی 4 شہر کے لیے بہت ضروری ہے،اس کے لیے ایشین بینک کی مدد بہت اہم ہے۔
ترجمان وزیر اعلی سندھ کا کہنا ہے کہ سندھ حکومت اور ایشین بینک کا حیدرآباد انفرااسٹرکچرکی اسٹڈی کرنے پر اتفاق ہوا ہے۔ حیدرآباد کی اسٹڈی ہونی چاہیےکہ شہر کے انفرااسٹرکچر میں کن کاموں کی ضرورت ہے۔
حیدرآباد کے انفرااسٹرکچر مسائل طے ہوجائیں تو اس حساب سے کام کروائے جائیں گے۔
