اڈیالہ جیل کے باہر سے گرفتار کیے گئے پی ٹی آئی رہنماؤں کو رہا کردیا گیا ہے۔
پنجاب پولیس نے کچھ دیر قبل مبینہ طور پر دفعہ 144 کی خلاف ورزی پر قومی اسمبلی میں اپوزیشن لیڈرعمرایوب، رکن قومی اسمبلی اسد قیصر، سینیٹر شبلی فراز،کچھ دیر قبل، رکن قومی اسمبلی صاحبزادہ حامد رضا اور اپوزیشن لیڈر پنجاب اسمبلی احمد خان بھچرکو اڈیالہ جیل کے باہر سے حراست میں لیا تھا۔
حبس بے جا میں رکھنے کی مذمت کرتے ہیں، عمر ایوب
رہائی کے بعد صحافیوں کے سوالوں کا جواب دیتے ہوئے اپوزیشن لیڈر عمر ایوب نے کہا کہ انہوں نے قومی و صوبائی اسمبلی کے اپوزیشن لیڈرز اور سینیٹ میں قائد حزب اختلاف کو حبس بے جا میں رکھا ہے جس کی ہم مذمت کرتے ہیں۔
اڈیالہ جیل کے باہر سے حراست میں لیے جانے والے تمام رہنماؤں کو رہا کردیا گیا
انہوں نے ہمیں بے جا حبس بے جا میں رکھا ہم اس کی مذمت کرتے ہیں، اپوزیشن لیڈر عمر ایوب pic.twitter.com/Nh8Zrc0mhX
— WE News (@WENewsPk) November 12, 2024
سینیٹ میں قائد حزب اختلاف شبلی فراز نے میڈیا کو بتایا کہ ہم پلان کے مطابق عمران خان سے ملنے آئے تھے، کسی بھی قسم کی مزاحمت نہیں کی، ہم نے کہا اگر ملاقات نہیں کرانی تو ہم واپس جارہے ہیں لیکن جب ہم واپس جانے لگے تو ہماری گاڑیوں سے گھسیٹا گیا۔
اسد قیصر کی رہائی کے بعد گفتگو:
ہمیں غیر قانونی طور پر چوکی کی حوالات میں بند رکھا گیا
ہم عمران خان سے ملاقات کے لیے آئے تھے، اسلام آباد جاکر پریس کانفرنس کریں گے۔
…………..
اپوزیشن لیڈر عمر ایوب کی رہائی کے بعد گفتگو:
سینٹ، قومی اسمبلی، پنجاب اسمبلی کے اپوزیشن لیڈر کو… pic.twitter.com/xgNaBXx5bd
— A.Waheed Murad (@awaheedmurad) November 12, 2024
پنجاب پولیس نے زیر حراست پی ٹی آئی رہنماؤں کو اڈیالہ جیل پولیس چوکی منتقل کردیا تھا۔ گرفتاری سے قبل، پی ٹی آئی رہنما عمر ایوب نے میڈیا کو بتایا تھا کہ پی ٹی آئی رہنماؤں کا وفد عدالتی احکامات کے بعد اڈیالہ جیل پہنچا تھا۔ ان کا کہنا تھا کہ پی ٹی آئی رہنماؤں کا وفد عمران خان سے احتجاج کی حکمت عملی کے حوالے سے مشاورت کے لیے آیا ہے۔
عمر ایوب ،اسد قیصر ، شبلی فراز، صاحبزادہ حامد رضا، اپوزیشن لیڈر پنجاب اسمبلی احمد خان بھچر اڈیالہ جیل کے باہر سے حراست میں لیا گیا pic.twitter.com/Xh9MzaHTgr
— Sheraz Ahmad Sherazi (@Sherazi_Silmian) November 12, 2024
حراست میں لیے گئے پی ٹی آئی رہنما 2 گھنٹے سے اڈیالہ جیل کے باہر بانی پی ٹی آئی سے ملاقات کا انتظار کررہے تھے۔ ملاقات کے لیے آنے والوں میں عالیہ حمزہ بھی شامل تھیں، تاہم پولیس نے انہیں گرفتار نہیں کیا۔ پی ٹی آئی رہنماؤں نے عمران خان سے ملاقات کے لیے وکیل خالد یوسف چوہدری کے ذریعے اڈیالہ جیل کے اندر اپنے نام بھجوائے تھے۔
یہ بھی پڑھیں: لگتا ہے اڈیالہ جیل میں مارشل لا لگا ہوا ہے، عمران خان کی بہن نورین نیازی بھی سامنے آگئیں
وکیل خالد یوسف چوہدری نے میڈیا کو بتایا کہ آج بانی پی ٹی آئی سے عمر ایوب، شبلی فراز، احمد بھچر اور اسد قیصر کی ملاقات طے تھی، اس ملاقات کے لیے عدالتی حکم بعد ہی ملاقاتیوں کے نام اڈیالہ جیل انتظامیہ کو دیے تھے، پی ٹی آئی رہنما ملاقات کے لیے پہنچے تو انہیں اڈیالہ جیل کے باہر سے گرفتار کرلیا گیا۔
