بھارتی ریاست پنجاب کے بھٹنڈا فوجی اسٹیشن میں بدھ کے روز علی الصبح فائرنگ کے ایک واقعہ میں 4 فوجی ہلاک ہوگئے ہیں۔ ان جوانوں کا تعلق فوج کے آرٹلری یونٹ سے تھا۔
فوج کی جنوبی مغربی کمان کے حوالہ سے بھارتی ذرائع ابلاغ کے مطابق اسٹیشن کوئیک ری ایکشن ٹیم فعال کردی گئی ہیں اور علاقہ کی ناکہ بندی کرکے تلاشی کا عمل جاری ہے۔
بدھ کے صبح جاری کیے گئے ایک فوجی بیان میں بتایا گیا ہے کہ فائرنگ کا یہ واقعہ بدھ کی صبح 4:35 بجے پیش آیا۔
#WATCH | Visuals from outside Bathinda Military Station where four casualties have been reported in firing inside the station in Punjab; search operation underway pic.twitter.com/jgaaGVIdMS
— ANI (@ANI) April 12, 2023
’علاقے کو گھیرے میں لے کر سیل کر دیا گیا ہے۔ سرچ آپریشن جاری ہے۔ مزید تفصیلات کا پتہ لگایا جا رہا ہے۔‘
Four army jawans of an artillery unit succumbed to gunshot injuries sustained during the firing incident at Bathinda Military Station. No other injuries to personnel or loss/damage to property reported. The area continues to be sealed off and joint investigations with Punjab… pic.twitter.com/bcOz8l1HEY
— ANI (@ANI) April 12, 2023
بعد میں جاری ہونے والے ایک دوسرے فوجی بیان میں کہا گیا کہ فوج اور پنجاب پولیس اس واقعے کی مشترکہ تحقیقات کر رہی ہیں۔
غیر ملکی ذرائع ابلاغ کے مطابق بھٹنڈا کے فوجی اسٹیشن پر نامعلوم تعداد میں حملہ آور موجود تھے اور ان کے پاس گولہ بارود تھا۔
دارالحکومت نئی دہلی سے تقریباً چھ گھنٹے شمال میں واقع فوجی اسٹیشن میں زیادہ تر فوجیوں کے خاندان رہائش پذیر ہیں۔
بھٹنڈا کے سینیئر سپرنٹنڈنٹ آف پولیس جی ایس کھرانہ کے مطابق پنجاب پولیس کی ایک ٹیم ملٹری اسٹیشن کے باہر انتظار کر رہی ہے اور فوج نے ابھی تک ان کا داخلہ کلیئر نہیں کیا ہے۔