پاکستان تحریک انصاف (پی ٹی آئی) کے احتجاج کے پیش نظر اسلام آباد اور راولپنڈی سمیت مختلف مقامات پر کنٹینرز لگا کر راستوں کو بند کیا گیا ہے جس کے شہریوں کو کافی مشکلات کا سامنا ہے۔ ایسے میں سابق قومی کرکٹر محمد حفیظ بھی چپ نہ رہ سکے اور سوشل میڈیا پر طنزیہ انداز میں کنٹینرز کے حوالے سے پوسٹ کردی جس پر صارفین کے تبصرے شروع ہوگئے۔
*Rent a container* Growing business opportunity in Pakistan pic.twitter.com/yk1f4kt1X6
— Mohammad Hafeez (@MHafeez22) November 23, 2024
سابق آلراؤنڈر محمد حفیظ نے سوشل میڈیا سائٹ ایکس پر کنٹینرز لگا کر سڑک بند کرنے کی تصویر شیئر کرتے ہوئے طنزیہ انداز میں پاکستانیوں کو کاروبار کرنے کا مشورہ دیتے ہوئے لکھا کہ آج کل پاکستان میں ایک کاروبار بہت چل رہا ہے ’کنٹینرز کرائے پر دستیاب ہیں‘۔
مزید پڑھیں: بہت سے چہرے بے نقاب ہو گئے، قومی ٹیم کی فتح پر محمد حفیظ کا تبصرہ
ان کی اس طنزیہ پوسٹ پر صارفین نے دلچسپ تبصرے کیے، ایک یاسر خان نامی صارف نے لکھا کہ آپ اس طرح کی پوسٹ کرنے سے محتاط رہیں، یہ نہ ہو کہ آپ کو اس پوسٹ کی وجہ سے اٹھا کر نہ لے جائیں، ویسے بھی پاکستان میں جنگل کا قانون ہے۔
Be careful they can abduct you too just because of this tweet at the moment we have law of jungle in Pakistan
— Yasir Khan (@khanyasir76) November 23, 2024
ایک اور صارف ارسلان بلوچ نے لکھا کہ ویگو ڈالا آپ کو اٹھانے پہنچ ہی رہا ہوگا۔
ویگو ڈالا آپکو اٹھانے پہنچتا ہی ہو گا:))
— Arslan Baloch (@balochi5252) November 23, 2024
ایک اور صارف نے لکھا کہ پاکستان میں کنٹینرز درآمد اور برآمد کرنے کے لیے نہیں بلکہ روڈ بلاک کرنے کے لیے استعمال ہوتے ہیں۔
Pakistan mein containers import export k liye nhi Road blocks krny k liye zyada hoty hain 🥲
— Secret’♡ (@ZeeshanYaqoob02) November 23, 2024
یہ بھی پڑھیں: پی ٹی آئی احتجاج: جڑواں شہروں کے کون سے 33 داخلی راستے بند کیے جا رہے ہیں؟
واضح رہے تحریک انصاف کے 24نومبر کے احتجاج کے پیش نظر ملک بھر کی اہم سڑکوں کو آمد و رفت کے لیے بند کردیا گیا ہے اور کہیں پر کنٹینرز لگا کر سڑکیں بند کردی گئی ہیں، جن سے لوگوں کو آمد و رفت میں دشواری ہے۔
