پاکستان تحریک انصاف کے رہنما شیرافضل مروت نے کہا ہے کہ پی ٹی آئی کے حکومت کے ساتھ ابھی کوئی باضابطہ مذاکرات نہیں شروع ہوئے، 15 دسمبر سے پہلے پہلے بات ہو جائے تو ملک کے لیے اچھا ہے کیونکہ ملک میں سیاسی عدم استحکام پایا جاتا ہے۔
یہ بھی پڑھیں: ڈی چوک پر احتجاج کلائمیکس ہوگا، شیرافضل مروت
نجی ٹی وی سے گفتگو میں شیرافضل مروت سے سوال کیا گیا کہ پی ٹی آئی کے حکومت سے مذاکرات کہاں تک پہنچے، کیا کہیں گے آپ؟ جواب میں شیرافضل مروت نے کہا ’میں ہمیشہ کہتا ہوں کہ تمام اسٹیک ہولڈرز سے مذاکرات ہونے چاہئیں لیکن ابھی پی ٹی آئی کے حکومت سے مذاکرات شروع نہیں ہوئے، صرف دعا سلام ہوئی ہے۔‘
شیرافضل مروت نے کہا کہ اگر بات چیت شروع ہوجاتی ہے تو یہ ملک کے لیے بھی اچھا ہوگا اور سیاست کے لیے بھی اچھا ہوگا، اس وقت ملک میں انتشار پھیلا ہوا ہے، لوگوں کے اندرغیر یقینی پھیلی ہوئی ہے، تو ایسے میں مذاکرات نیک شگون ہونگے اور یہ ملک کے لیے بہتر بھی ہوگا۔
یہ بھی پڑھیں: عمران خان بشریٰ بی بی کی بہن اور ترجمان کے بیانات کا نوٹس لیں، شیر افضل مروت
انہوں نے کہا کہ 15دسمبر کو بانی پی ٹی آئی عمران خان نے ترسیلات زر سے متعلق کال دی ہوئی ہے، حالات جوں کے توں رہے تو سول نافرنی سے متعلق عمران خان کے احکامات پر عمل درآمد ہوگا۔
ان کا تھا بانی اس وقت پی ٹی آئی کارکنوں کےگھروں میں ماتم ہے، ایسی صورتحال میں مذاکرات کا شوشا چھوڑنا مناسب نہیں، مذاکرات کی باتیں کرنے سے کارکنوں کو مایوسی ہوگی۔
شیرافضل مروت نے کہا کہ بانی چیئرمین پی ٹی آئی نے ابھی تک مذاکرات کا نہیں کہا بلکہ صرف مذاکرات کمیٹی بنائی ہے۔
