انٹرنیشنل کرکٹ کونسل (آئی سی سی) کی جانب سے جنوبی افریقہ کے بیٹر ہنرچ کلاسن پر میچ فیس کا 15 فیصد جرمانہ عائد کردیا گیا۔
یہ بھی پڑھیں محمد رضوان اور ہینرچ کلاسن میں تلخ کلامی، ویڈیو وائرل
پاکستان کے خلاف ایک روزہ سیریز کے دوسرے میچ میں 97 رنز پر آؤٹ ہونے پر ہنرچ کلاسن غصے میں آگئے تھے اور وکٹ کو لات مار دی تھی۔
اس موقع پر محمد رضوان اور ہینرچ کلاسن کے درمیان تلخ جملوں کا تبادلہ ہوا جس کی ویڈیو سوشل میڈیا پر وائرل ہوگئی۔
ایمپائرز نے آؤٹ ہونے پر وکٹ کو لات مارنے پر جنوبی افریقہ کے بیٹر کے خلاف ایکشن لیا اور میچ فیس کا 15 فیصد جرمانہ عائد کرتے ہوئے ایک ڈی میرٹ پوائنٹ کی سزا بھی سنا دی۔
واضح رہے کہ پاکستان نے ایک روزہ سیریز کے دوسرے میچ میں جنوبی افریقہ کو 81 رنز سے شکست دے کر سیریز 0-2 سے اپنے نام کرلی ہے۔
یہ بھی پڑھیں جنوبی افریقہ کے خلاف کامیابی نے پاکستانی ٹیم اور محمد رضوان کو اہم اعزاز دلوا دیے
پاکستان اور جنوبی افریقہ کے درمیان سیریز کا تیسرا اور آخری میچ 22 دسمبر کو جوہانسبرگ میں کھیلا جائےگا۔
