سوشل میڈیا پر پاکستانی فلم ’مسٹر چارلی‘ کا ایک کلپ وائرل ہو رہا ہے جس میں ایک امیر گھمنڈی لڑکی کو دکھایا گیا ہے جوامیر باپ کی بیٹی ہے اور سمجھتی ہے کہ دولت سے دنیا کی ہر چیز خرید سکتی ہے۔
وائرل ویڈیو کلپ میں دکھایا گیا ہے کہ کیسے ایک امیر لڑکی استاد کو بھی انتظار کراتی ہے کہ وہ کلاس روم میں آئے تو پڑھائی شروع کی جائے جس پر تمام طلبا بھڑک اٹھتے ہیں۔
فلم میں مغرور لڑکی اپنی کلاس فیلو کو صرف اس وجہ سے تھپڑ مارتی ہے کہ وہ سوالات کے جواب دیتی ہے جس پر لڑکی کا بھائی اس کا بدلہ لیتا ہے اور گھمنڈی خاتون کے منہ پر تھپڑ رسید کرتا ہے۔
یہ کلپ سوشل میڈیا پر وائرل ہوا تو صارفین کی جانب سے اس پر مختلف تبصرے کیے گئے، ایک صارف نے لکھا کہ اللہ کا شکر ہے فلم انڈسٹری ڈوب گئی ورنہ یہ سب دیکھنا پڑتا۔
Bhiii ye kiaa thaa?
Allah ka shuker hy film industry doob gaye. Warna yai sb daikhna parta pic.twitter.com/phloM3prhA— K A M I (@K4mi_i) January 27, 2025
ایک صارف نے طنزاً کہا کہ یہ اپنے دور کی ہٹ فلم تھی۔
It was hit film 😂 https://t.co/qgijshqjeM
— Muhammad Waqas Iqrar (@wqs) January 27, 2025
گل جانم نامی صارف نے لکھا کہ اسی اوور ایکٹنگ نے فلم انڈسٹری برباد کردی اور اب ڈرامہ انڈسٹری بھی برباد ہونے جا رہی ہے۔
اسی اور ایکٹنگ نے فلم انڈسٹری برباد کردی اور اب ڈرامہ انڈسٹری بھی برباد ہونے جا رہی ہے۔
— Gull_Janam (@GullJanam75) January 27, 2025
ایک صارف نے فلم کے ایک سین سے متعلق بات کرتے ہوئے مزاحیہ انداز میں لکھا کہ کلاس روم کا دروازہ سڑک پر ہی ہے۔
کلاس روم کا دروازہ سڑک پر ہی ہے 😂
— Badar Sandhu (@badar_sandhu) January 27, 2025
عظمیٰ نامی صارف لکھتی ہیں کہ اتنی اچھی انٹرٹینمنٹ کا بیڑا غرق ہوگیا۔ ایسی انٹرٹینمنٹ جاری رہتی تو ہمیں اب ہنسنے کے لیے پی ٹی آئی کی طرف نہ دیکھنا پڑتا۔
اتنی اچھی انٹرینمنٹ کا بیڑا غرق ہوگیا ایسی انٹرٹینمنٹ جاری رہتی تو ہمیں اب یوتھیوں کی طرف نہ دیکھنا پڑتا ہنسنے کے لیے 😂😂😂
— 𝓤𝔃𝓶𝓪. (@uzmaaar) January 27, 2025
کئی صارفین کا کہنا تھا کہ پاکستانی انڈسٹری ابھی تک ایسی فلمیں ہی بنا رہی ہے اور پھر کہتے ہیں کہ فلمیں دیکھنے کوئی نہیں آتا۔
