عید الفطر: صدر مملکت، وزیراعظم، دیگر اہم شخصیات نے کہاں نماز عید ادا کی؟

پاکستان بھر میں عید الفطر روایتی جوش و خروش سے منائی جارہی ہے۔

ملک میں نماز عید کے ہزاروں چھوٹے بڑے اجتماعات منعقد ہوئے جن میں امت مسلمہ اور ملک کی سلامتی، ترقی اور خوشحالی کیلئے دعائیں مانگی گئیں۔

صدر عارف علوی

صدر مملکت عارف علوی نے اسلام آباد کی شاہ فیصل مسجد میں نماز عید ادا کی۔ انہوں نے عیدالفطر کے موقع پر اپنے خصوصی پیغام میں کہا، ہمیں چاہیے کہ ہم عید کے اس موقع پر یہ عہد کریں کہ ہم تقویٰ ، پرہیزگاری اور احساس کے یہ جذبات اپنے ساتھ پورا سال لے کر چلیں گے ا ور معاشرے کو خوشحال بنانے میں اپنا کردار ادا کریں گے۔انہوں نے کہا کہ اس وقت پاکستان کو مشکل سیاسی اور اقتصادی حالات کا سامنا ہے اور ہم سب اپنے ملک کیلئے درد محسوس کررہے ہیں۔ ان حالات میں ، میں پوری قوم کی توجہ معاف کرنے اور رحم فرمانے والے رب کے احکامات کی طرف دلانا چاہتا ہوں جو ہمیں معاف کرنے ، درگزر کرنے اور بخش دینے کا حکم دیتا ہے اور فرماتا ہے کہ ” بے شک اللہ بخشنے والا مہربان ہے “۔

وزیر اعظم محمد شہباز شریف

وزیرِ اعظم محمد شہباز شریف نے عید الفطر 2023 کی نماز لاہور میں اپنی رہائش گاہ پر ادا کی۔ ان کے ساتھ ان کے بیٹے سلیمان شہباز اور حمزہ شہباز بھی تھے۔ وزیرِ اعظم نے عید کی نماز کے بعد پاکستان کے امن، سلامتی، ترقی و خوشحالی کیلئے دعائیں کیں۔
وزیرِ اعظم نے کشمیری اور فلسطینی بہن بھائیوں کی آزادی اور پوری امت مسلمہ کیلئے دعا کی۔ انہوں نے پاکستانی سیلاب متاثرین اور ترکیہ اور شام کے
زلزلہ متاثرین کیلئے بھی دعائیں کیں۔ انہوں نے عید کی نماز کے بعد لوگوں کو عید کی مبارکباد دی۔

وزیراعظم محمد شہباز شریف نے عیدالفطر کے پرمسرت موقع پر پاکستان سمیت تمام عالم اسلام کو مبارک پیش کرتے ہوئے کہا ہے کہ صاحب ثروت کے ایثار ومحبت کی عام حالات سے زیادہ ضرورت ہے، ان سب کو عید کی خوشیوں میں شریک کریں جو مشکلات کا شکار ہیں۔

انہوں نے کہا کہ اتحادی حکومت کی مسلسل کوشش رہی ہے کہ درپیش معاشی مشکلات کا کم سے کم بوجھ عوام تک پہنچے، ہم ہرممکن حد تک ریلیف عوام تک پہنچانے کی جدوجہد کر رہے ہیں

عمران خان