معروف پاکستانی اداکار عمر شہزاد نے مدینہ منورہ میں اپنے نکاح کی خوبصورت ویڈیو سوشل میڈیا پر شیئر کردی۔
کچھ روز قبل عمر شہزاد کی جانب سے اپنی شادی کا اعلان کیا گیا تھا، تاہم انہوں نے اپنی اہلیہ کی شناخت ظاہر نہیں کی تھی۔
یہ بھی پڑھیں کبریٰ خان اور گوہر رشید کی شادی، تصاویر وائرل
بعد ازاں یہ خبر سامنے آئی تھی کہ اداکار نے معروف انسٹا گرام انفلوئنسر شانزے لودھی سے نکاح کیا ہے، جس کی تصدیق شانزے لودھی نے خود اپنے سوشل میڈیا اکاؤنٹ کے ذریعے بھی کردی۔
اب عمر شہزاد کی جانب سے مسجد نبویﷺ میں نکاح کی ایک خوبصورت ویڈیو بھی شیئر کی گئی ہے۔
View this post on Instagram
ویڈیو کے آغاز میں دیکھا جا سکتا ہے کہ نکاح خواں نکاح پڑھا رہے ہیں، اس کے بعد نکاح نامے پر دستخط کروائے جاتے ہیں۔ جس کے بعد تقریب میں شریک عزیز و اقارب نوبیاہتا جوڑے کو مبارکباد دیتے ہیں۔
اداکار نے ویڈیو سوشل میڈیا پر شیئر کرتے ہوئے ساتھ کیپشن لکھا کہ نکاح کا سفر مدینے سے شروع کیا اور اس سفر میں آپ کی دعاؤں کے طلبگار ہیں۔
عمر شہزاد کی جانب سے شیئر کی گئی یہ ویڈیو وائرل ہوگئی ہے، اور سوشل میڈیا صارفین نوبیاہتا جوڑے کو مبارکباد دینے کے ساتھ ساتھ نیک خواہشات کا بھی اظہار کررہے ہیں۔
یہ بھی پڑھیں اداکار عمر شہزاد شادی کے بندھن میں بندھ گئے، مسجد الحرام سے تصاویر وائرل
واضح رہے کہ اس سے قبل اداکارہ کبریٰ خان اور گوہر رشید نے بھی مکہ مکرمہ میں جاکر نکاح کیا تھا، جس کی تصاویر اور ویڈیوز وائرل ہوئی تھیں۔
