سپر ہٹ گانے ’کہانی سنو‘ سے شہرت حاصل کرنے والے پاکستانی گلوکار کیفی خلیل نے حال ہی میں بھارتی گلوکارہ تلسی کمار کے ہمراہ اپنا نیا گانا جاری کیا ہے۔
کیفی خلیل اور تلسی کمار کے نئے گانے کا ٹائٹل ’فطرت‘ ہے، جسے بیرونِ ملک فلمایا گیا ہے۔ اس گانے کی ویڈیو میں پاکستانی اداکارہ سحر خان دبئی کے ماڈل و اداکار رعفان حسنلی کے ساتھ نظر آ رہی ہیں۔
گلوکار کے نئے گانے کو ابھی تک لاکھوں لوگ دیکھ چکے ہیں لیکن ’کہانی سنو‘ کی طرح یہ گانا عوام کی توجہ حاصل کرنے میں ناکام رہا اور اکثر صارفین اس پر تنقید کرتے نظر آئے۔
ایک ایکس صارف نے لکھا کہ کیفی خلیل اب بھارتی موسیقار ٹونی ککڑ کے ساتھ فضول گانوں میں زبردست مقابلہ کر رہے ہیں، جن میں نہ دھن ہے نہ کوئی ڈھنگ کے بول۔
Kaifi Khalil giving tough competition to Tony Kakkar in making mindless songs w zero lyrics pic.twitter.com/Oufa7Gikwq
— yang goi (@GongR1ght) April 13, 2025
خان یوسفزئی لکھتے ہیں کہ کیفی خلیل کا چاہت فتح علی خان کے ساتھ مقابلہ ہے۔
Tough competitor to Chahat Fateh Ali Khan
— Khan Yusufzai (@AbYsfzai) April 13, 2025
ایک ایکس صارف کا تنقید کرتے ہوئے کہنا تھا کہ یہ کیا گانا بنایا ہے۔ انہوں نے ’کہانی سنو‘ گانے کی تعریف کی اور کہا کہ اتنے اچھے گانے سے شروعات کر کے یہ کیسا گانا گایا ہے۔
Ye kya gana banaya hai😭😭😭😭
From kahani suno to this seriously????? pic.twitter.com/zMu74nxKFW— LazyPanda (@toolazypanda) April 11, 2025
گانے کا مذاق اڑاتے ہوئے ایک صارف نے سوال کیا کہ میں اس کو سنجیدہ لوں یا اس پر ہنسوں؟
BHAI MAI ISKO SERIOUSLY LU YA HANSU ISPAR https://t.co/zNbNR8nyoD
— Leo (@fcbparkss) April 13, 2025
تیمور سلیم لکھتے ہیں کہ لوگ کیفی خلیل کو ٹرول کر رہے ہیں لیکن انہیں معلوم ہونا چاہیے کہ اصل مجرم کا نام علی زریون ہے جس نے اس گانے کے بول لکھے ہیں۔
People are trolling kaifi khalil but they should know the main culprit his name is ali zaryoon he wrote the lyrics 😂😂 https://t.co/csoVaaz5CW
— Taimoor Saleem. (@FracturedMalang) April 13, 2025
سنجنا سنگھ نے لکھا کہ ’یہ نارمل بات کر رہا تھا پھر اس میں میوزک ڈال دیا‘۔
Ye normal Baat kar raha tha Phir usme music daal diya.
— Sanjana Singh Raghuvanshi (@ohmygodsanjana) April 12, 2025
زینب نامی صارف کیفی خلیل کے نئے گانے پر تنقید کرتے ہوئے لکھتی ہیں کہ ’’تم یہ گانا دوبارہ مت گانا‘۔
Tum ye song dobara mat gaana https://t.co/NR6e9JyvzS
— Zainab🌟 (@i_Zainabb) April 12, 2025
ایک سوشل میڈیا صارف نے کہا کہ ’بھائی نے چیٹ جی پی ٹی سے گانے کے بول لکھوائے ہیں‘۔
Bhai ne chatgpt se lyrics likhwaye h https://t.co/Z7VE3iNsZw
— Grok (@Merakoinhi) April 12, 2025
حارث نے کیفی خلیل کو آڑے ہاتھوں لیتے ہوئے کہا کہ اس گانے کو سن کر اپنا وقت ضائع مت کرنا۔
Is song ko sun kr apna time zaya mat krna https://t.co/aG0fuMFrUk
— Haris (@pris0n_mike) April 13, 2025
واضح رہے کہ اس سے قبل کیفی خلیل کا سپر ہٹ گانا کہانی سنو، جو 2021 میں ریلیز ہوا تھا کافی مقبول ہے اور یوٹیوب پر اسے اسے کروڑوں لوگوں نے دیکھا۔ کیفی خلیل کے اس گیت کی مقبولیت نے دیگر گلوکاروں کو بھی اس گانے کو اپنی آواز میں گانے پر مجبور کیا جن میں پاکستانی گلوکارہ آئمہ بیگ اور ڈچ گلوکارہ ایما ہیسٹرز نمایاں ہیں۔
